Euria egin dau, gaur, Urkiolan. Ez da urteroko kontua, baina bai beste kontu batzuk: parkinga autoz lepo; autobusak gora eta behera; mendizaleak, aitite eta amamak bilobekin… Ez dira falta izan trikitilari eta bertsolariak be, Antonio biak gurtzera joaten dan jente-andana girotuz eta alaituz.
Gaur, beste Antonio bat, Madinabeitia, “Joseba Legarza eta On Bittor Garaigordobilegaz batera hiru mosketeroen taldekidea”, izan da protagonista. Meza Nagusiaren amaieran, gotzainak eskerrak emon deutsaz “apaltasunez eta maitasunez” hainbeste urtez eskaini dauan zerbitzuagaitik eta besarkada estua emon deutse alkarri.
Angel Mari Peñagarikano eta Julio Soto bertsolariek esker oneko bertsoak abestu deutsez Antonio Madinabeitiari. Kanpoan, goizean gertatutakoa kontatu deutse bertsoz bertaratutakoei: Gotzaina Julio Sotoren autoan joan da Urkiolara.
Gotzain kontseilu zabalak Berrizen batzartuta jarraitzen dau
Goizeko saioaren osean, gotzaina eta beragaz Urkiolara joan diran gotzain bikarioak Berrizera bueltatu dira. Han, krutsoari amaiera emoten ta 2023-2024 kurtsorako gai eta egun garrantzitsuak lotzen dihardue.
