Lan musikala estreinauko dabe Durangoko basilikan

Taldeak Jacques Offenbach (1819-1880), Jean Baptiste Arban (1825-1889), Stanislao Gastaldon (1861-1939) eta Andres Laprida (1959) musikarien lanak eskainiko dauz.
Bilbon jaiotako Ainhoa Barredo organo joleak hainbat kontzertu emon dauz bakarlari moduan Europan. Klabezin jole modura be aritu da hainbat orkestragaz. 2004an grabau eban lehenengo diskoa Garbiñe Abendañogaz eta 2002tik piano irakaslea da Musikenen. Bestalde, Bilboko ABAO-OLBEko Eszenako Musika Zuzendaria eta Erregidore nagusia be bada.
Nuria Orbea, soprano bilbotarrak ABAO-OLBEgaz operako hainbat produkzinotan hartu dau parte eta kolaborazinoak izan dauz Sinfonia Varsoviagaz edota Euskadiko Sinfonikoagaz, adibidez. Lied emonaldiak be eskaintzen dauz Bartzelonako Caixa-Forum Auditorioan edota Madrileko Juan March Fundazinoan zein Salzburgoko Wiener Saalen be.
Vicente Olmos tronpeta jolea Paiportan (Valentzia) jaio zan. Estaduko orkestra gehientsuenakaz jo dau eta bakarlari modura be errezitaldi ugari emon dauz Espainiako hainbat lekutan. Tronpetari bakarlari modura aritu da Asturiaseko Printzerriko Orkestra Sinfonikoan eta gaur egun tronpetari bakarlaria da Bilboko Orkestra Sinfonikoan.
Kontzertua bihar Haitiren alde
Bestalde, bihar, Portugaleteko Salazar abesbatzak eta Santa Maria koralak eta Sestaoko Zuentzat taldeak parte hartuko dabe bihar Haitiren aldeko kontzertuan. Arratsaldeko zazpietatik aurrera izango da Portugaleteko San Inazio eleizan, goian aitatutako hiru taldeen eskutik.
Bihar arratsaldeko ekitaldian batzen dan diru guztia Portugaleteko Haiti batzordeak eta Caritas Nazinoarteko Lankidetzak Karibeko herrialdean garatzen diharduezan egitasmoetarako izango da. Helburu horregaz, urtean zehar antolatzen dabezan jardueren egitarauaren barruan dago koruok eskainiko daben emonaldi hau be.