Orain dala urte batzuk sartu zan kurtso hasierako erromesaldi hau Bilboko Seminarioaren egutegian. Oraingoan, Tibidaboko basilika bisitatu eben lehenengo, astelehenean bertan, heldu ziranean eta Eukaristia ospatu eben.
Atzo -martitzena-, Montserratera joan ziran eta monasterioa eta Amabirjinaren irudia ikusi ebezan.
Gaur -eguaztena-, Manresara joango dira, koban meza ospatu eta bisita gidatua egiteko.
Bartzelonara joango dira bihar -eguena- eta uriko lekurik esanguratsuenetakoak bisitatuko dabez: Familia Santua -kriptan meza ospatuko dabe-, Paseig de Gracia, Batilo etxea, Pedrera, Katalunia plaza eta “Rambla” edo uribide ospetsuak, goizez eta arratsaldez, auzo gotikoa non Itsasoko Andra Mari katedral eta basilika bisitatuko dabezan. Barikuz, Bilborako bidea hartuko dabe.
Abadegintzak
Irailaren 15ean, domekaz, Juan Reyero, Gorka Campos eta Marco Antonio Muñoz abade egingo dira. On Joseba Segura gotzaina buru dala ospatuko da eleizkizuna Santiago katedralean, 18:00etan eta zuzenean jarraitu ahal izango da web honen bidez.
Juan Reyero Pontesek Gernikaldea Pastoral Barrutian jardungo dau abade lez, Gorka Campos Saez de la Fuentek Santa Ana-Mesedetako Ama-Romo Pastoral Barrutiko San Nikolas eta Tourseko San Martin parrokietan eta Marco Antonio Muñoz Castrok Leioa eta Erandio-Astrabudua Pastoral Barrutian.
Kurtsoaren hasierako ekitaldi ofiziala Seminarioan: irailaren 19an, eguenez
Kurtso honetan, gainera, ‘ate irekiak’ izango dira hilaren lehenengo eguenez eta bokazino-ibilbideari ekingo jako. Aurrerago emongo dogu honen barri.
