Elizbarrutiko Misioen Kanpaina

“Konpromisoa barrituz”

Aurreko urteetan lez, aurton be, hain zuzen be, martxoaren 20an, ELEIZBARRUTIETAKO MISINOEN eguna ospatuko dogu euskal Eleizbarrutietan, goiburu honegaz:

 “Konpromisoa barrituz. Renovamos el compromiso”

Aurtengo kartela kolorez, mobimentuz beteta dago, Eliza, ate eta leihoak zabalik dituan alkarte bizi garalako. Eta bertatik Argia eta Espiritua ataraten da. Jesusen bihotzak misinora garoaz, hegoalderantz bultzatuz, beso eta besarkada abegitsuz, mundura zabalik dan Eleiza lez.

Dei barria misioan ausardia sortzailea erakusteko, gotzainek eskatzen deuskuen lez. Aukera barria mundu osoan senidetasuna hedatu eta Jainkoaren Erreinua eraikitzen hemen eta orain, danok batera. Zabaldu daigun gure alkartearen ikuspuntua Kristorenganako eta Eleizaganako fedearen berariazko unibertsaltasunerantz: gertukotik hasi eta unibertsalera jo. Eleiza misiolari lez, misino ebanjelizatzailea martxan jarri behar dogu, munduan egon behar dogu, desbardintasuna eta bidegabekeria dagoan lekuan.

Eleiza misiolari izanda, gure ekarpen eskuzabala egin daikegu eta gure misiolariek sakrifizio eta ilusino handiz garatzen diharduen pastoral eta gizarte egitekoa sustatzen lagundu. Eredu eta dei dira guretzat euren zerbitzuagaitik, eskaintzagaitik, eta misino-senidetasunetik guztion ona hedatzeko KONPROMISOAGAITIK. Aurtengo goiburuan esaten dan lez, kanpaina honek lagunduko ahal deusku gure misino-konpromisoa sendotzen eta barritzen.

Aurkeztu daigun eleizbarruti arteko kanpaina hau gure inguruan, zaindu eta parte hartu daigun ospakizunean, sustatu daigun katekesia, egun hau ilusinoz eta pozez agertzera emon daigun.

 Misinoen www.misioak.org web orrialdean aurkituko dozue kanpaina honen inguruko guztia.

Misinoen egun ona izan eta eskerrik asko zuen arreta eta eskuzabaltasunagaitik.

Besarkada bat,

Felicitas Martín Fernández
Delegada Diocesana de Misiones