Bideoak eta dokumentala Eleizbarrutiaren youtube kanalean dagoz. Kontaketa idatziz jaso da Alkarren Barri aldizkariaren urteko lehenengo alean.
Bideoan, Bilboko Eleizbarrutian azken bost urteotan izan diran gertaerarik nabarmenenak jasoten dira. Kontaketari hasiera emoteko, pandemia aldiaren aitamena egitera, Bizkaiko Eleizak egoera horretan eskaini eban erantzuna gogoratuz: telebistaz emon ziren Eukaristiak, orduan Bilboko gotzain zan On Mario Izetak egunero eskainitako “Píldoras de esperanza” dalakoak, senide eta lagun maiteak agurtzeko weba… Une latza izan zan bai gizartearentzat eta bai Eleizarentzat be.
2020aren amaieran, gotzain-izendapen garrantzitsu bi izan ziran. Alde batetik, On Mario Izeta Burgoseko artzapezpiku izendatu eben eta bere gotzain laguntzaile zan On Joseba Segura administrati apostoliko bihurtu zan. 2021eko uztailaren 3an, On Joseba Segura Bilboko gotzain karguaz jabetu zan.
Gotzain Kontseilu zabala
Izendapen horrek ekarri eban barritasunen bat edo beste: Kerman Lopez bikario nagusi izendatu eben, Gotzain Kotseilua zabaldu egin zan eta gotzainagaz eta lurraldeetako bikarioakaz batera, Eleizbarrutian erantzukizuna daben laikoak dagoz eta Ebanjelizatzearen Eleizbarrutiko VI. Egitasmoari beste bultzada bat emon jakon…
Hogeta bost minutuko dokumentalean, beste hainbat gertaera be jasoten da, esate baterako: Ukrainako gerra, Donostiako gotzain erretiratuaren heriotza, otoitzaldia Eleizan izandako gehiegikeriengairik parkamena eskatzeko, Eleizbarrutiaren 75. urteurrena ospatzeko ekitaldien hasiera…
