Asteburuan, Gernikako mesedetako monjen komentuan jaia ospatu dabe, 400 urte bete dira-eta monjak herrira (orduan Ajangiz) heldu ziranetik, hain zuzen be 1625eko urtarrilaren 8an. Zapatuz, meza ospatu zan mesedetako alkarteko ahizten, senideen eta ongileen alde eta, ondoren, berbaldia izan zan, komentuaren historiari buruz, Alberto Iturrarte Martinezen eskutik eta kontzertua Gernikako Andra Mari korala protagonista zala. Atzoko egunez -domeka-, Florencio Rosello Iruña-Tuterako artzapezpiku eta mesedetako frailea buru izan zan esker oneko Mezan.
Errenteriako (Gernika) mesedetako monjen ardurapean dagoan San Bartolome eleiza 1650 inguruan eraiki eben. Eleizak kanoikadak jasan ebazan lehenengo karlistadan eta hainbat bonbak egin eban eztanda ortuetan, bonbardaketan. Monjak, gaur egun, eleizaz arduratzen dira eta ikastetxea daukie 300 ikasle ingurugaz.
Mezaren ostean, Jose Maria Gorroño Gernikako alkateak esker ona adierazoteaz batera, orpari txiki bat egin eutsan mesedetako alkarteari.
