Sor Maria Luisa, Karitatearen Alabak 100 urte bete ditu gaur. Gueñesen bizi da beste zortzi ahiztagaz batera eta herriak omenaldia eskaini deutso gaur goizean.
Alkarteak Eukaristia ospatu dau Ernesto Bilbao parrokoa buru dala eta, ostean, bazkari “berezia” izan dabe. Sor Maria Luisak bere urtebetetzerako beren-beregi prestatutako tartaren kandelak amatau ditu.
Alkarteak poz-pozik ospatu dau sor Maria Luisaren mendeurrena, gero eta gitxiago eta edadetuago dirala autortuta, baina “ilusinoz” euren misinoan aurrera egiteko: “kalitatezko zerbitzua eskaini pobreenei gizakiaren, bizitzaren eta munduaren kristau ikuspuntutik, Ebanjelioaren Barri Ona agertuz”.
Beste alkarte batzuk
Karitatearen Alabak Bilboko eleizbarrutiko hainbat errealitatetan dagoz. Lagun egiten deutse Basauriko kartzelako presoei eta ikastetxeetan edo egoitzetan be jarduten dabe.
