05-04-2025 Sábado, IV semana - cuaresma
Bizkeliza 5 Lehenengo Orrialdea 5 Caritas Bizkaia erakundearen kanpaina asteburuko mezetan
04.04.2025

Caritas Bizkaia erakundearen kanpaina asteburuko mezetan

Asteburuan 291 parrokietan ospatuko diran Eukaristietan batu daiten dirua Caritas Bizkaia erakundearen esku itziko da. Apirileko kanpainak 75. urteurreneko abestia dakar gogora: `Alkartea, gure aldartea - Camino de Esperanza´. Javier Onaindia irratietako zuzendariaren bertso honegaz fedea alkartean bizitzearen egokitasuna agertzen da, Elena Unzuetak kanpaina dala-eta argitaratu dauan gutunean adierazo dauanez: "Txertatuta gagozan alkarteek eragin esanguratsua dabe gure bizitzeko, sentitzeko eta jokatzeko eran".

Bizkaiko Eleizak eleiz erakundearen aldeko diru-batzea egingo dau zapatu eta domekako mezetan. Hauxe da kanpaina honeen xedea: “adore emon, sentiberatasuna biztu eta Jesusen barri onaren lekukotasuna emon kristau alkartean eta bere egitekoa agertu”.

Caritas Bizkaia erakundeak liturgia lagungarriak prestatu ditu, “geure ingurura begiratu eta sufritzen dagozan pertsonez jabetu” ahal izateko, “nahiz eta gertu-gertukoak ez izan”. 

Turismo-bidaia barrualdera

Caritas Bizkaia erakundeak ekintza zehatzak proposatu ditu, “zaintzaren aldeko gure hautua agertuko daben eguneroko keinu txikiak”. Besteak beste, neurritasunez, “beharrezkotik kanpo kontsumitu barik” bizitzeko dei egiten da. 

Beste hau be proposatzen da: “turismo-bidaia egin barrualdera, bidaia arimaren paraje eta paisaietara. Kanpoko eta barruko zaratetatik ihes egin, isiltasuna bilatu bizimoduz aldatzera garoazan bizi-eremua aurkitzeko”. 

Cartel Caritas campaña25