Sei mila euro inguru batu zan, zapatuz, maiatzak 17, ospatu zan azokan. Gazako krisauei bialduko jake diru hori. Hona hemen diru-batzearen zehaztasunak:
Egoera jasanezina
Batu dan dirua Lur Santura bialduko da Ayuda a la Iglesia Necesitada fundazinoaren bitartez. Bertan bizi dan abade bati egindako alkarrizketan aitatzen dauanez, “gerrea hasi zanetik, 2023ko urritik, 500 lagun inguru dagoz parrokian. Gehien bat katolikoak dira baina tartean familia ortodoxoak eta musulmanak dagoz”.
Gotzaina Gazari buruz
Joan dan astearen amaieran, Bilboko gotzainak alkarrizketa eskaini eban Radio Popular-Herri Irratian. Gaur-gaurko hainbat gairen inguruan jardun eban, besteak beste Leon XIV.ak izendatu orduko egin dauan bakearen aldeko apustua.
On Joseba Seguraren ustez, “munduan eredu moralak behar ditu, liskarrak eta arazoak bizitzeko era barriari, hau da liskar, indarkeria edo armatzeari uko eginez, ekiteko argitasuna emongo deuskuenak”, eta aita santua izan daiteke horreetako bat.
Beste alde batetik, Bilboko gotzaina atsekabetuta agertu zan inork ez daualako ezer esaten Gazan borrokalari edo soldadu ez diranen aurka erabilten dan indarkeria hain anker eta luzearen aurrean.
