Aurkikuntza, joan dan ekainean, XX. gizaldiaren erdialdetik erortzeko zorian dan eleizaren hondakinen artean gertatu da. Jose Larrea bilbotar eskultore entzutetsuaren eskultura da aurkitutakoa. Zaharbarritu ondoren, Eleiz Museoan izango daikusgai. Azalean agertzen dana, aurkitu ebenean irudiari egindako argazkia da.
Alkarrizketak
Migrazinoetarako Espainiako Gotzainen Batzarreko Saileko zuzendariak askotariko testuinguruetan -Bangladesh, Amazonas edo kartzelak- bizi izandako esperientzien barri emon dau. Fernando Redondo bildur barik abegi egiten dauan, alkarteak eratzen dituan eta “Abegi Atlantikoa” edo etorkinen erregularizazinoa lako egitasmoak sustatzen dituan Eleizaren alde egiten dau.
Martin Pinillos Santiago katedraleko koruko zuzendariak musikatik haraggo doan egitasmoaz hitz egin dau: heziketa da, alkartea, otoitza. Tailer bokal eta liturgikoakaz, eta lehenengo aldiz emakume musikagileen lanak sartu dituan errepertorioagaz, Kaperak “katedral maite honetan arrastoa itzi gura daben” ahots barrien bila dihardu.
Gazteen ahotsa
Gazteak sailean, alkarregaz “gazte-plana”, alkartean gazteei ahotsa eta lekua emon gura deutsen egitasmo estrategikoa, landu eben I. bikaritzako gazteen topaketaren barri emon da. “Eleizan kide eraginkor” izatea da euren nahia. Portugaleten 40 gaztek bizia ospatzeko eta fedean sakontzeko egin daben erretiroaren ingurukoak be kontatu dira.
Artea eta ondarea: ondasun bizia
Artea sailean, ondarerako Burgos eta Bilboko arduradunen arteko alkarrizketan, gizarte sekularizatuan eleiz artea zaintzeak eta arte horri zentzuna emoteak dakarzan erronkak agertzen dira. Eleiz arte horrek bizirik iraun behar dau eta euren arrima transmititu egin behar da.
75 urte, historia eta etorkizuna
Eleizbarrutiaren urteurrenean, euskal eleizbarrutiek Estibalizko santutegian ospatu eben ekitaldiaren ingurukoak be jaso dira ale honetan. Eta azaroaren 9an katedralean ospatuko dan amaierako Eukaristia be iragarri da. Atzera esker onez eta aurrera itxaropenez begiratzeko unea da.
