Errenteriako mesedetako monjen ardurapean dagoan San Bartolome eleiza 1650ean eraiki eben. Eleizak lehenengo karlistadako kanoikadak jasan ebazan eta bonbardaketako hainbat bonba inguruko ortuetara jausi zan. Monjak, gaur egun, eleizaz gainera, 300 ikasle inguru dituan ikastetxeaz arduratzen dira.
Egitaraua:
Zapatua, urtarrilak 11
19:00: Meza, monjen, senideen eta mesedetako alkartearen ongileen alde
19:45: Komentuaren historiari buruzko berbaldia, Alberto Iturriarte Martinezen eskutik.
20:15: Gernikako Andra Mari koralaren kontzertua.
Domeka, urtarrilak 12
12:00: Esker oneko meza, Florencio Rosello Iruña-Tuterako artzapezpiku eta mesedetako frailea buru dala.
Gernikako mesedetakoak
“Aldaba” Gernikako aldizkariaren azken aleak 11 orriko txostena eskaini deutse Gernikako Mesedetako monjei, 400 urte bete dirala-eta herrira heldu ziranetik. “400 aniversario de las monjas Mercedarias en Rentería” izenburuaren harira, Alberto Iturriarte Martinez Gernikazarra Historia taldeko kideak eta Segundo Oar-Artetak -alkarrizketa egin deutse monjei- urteotako gorabeherak jaso dabez.
