HOAC mobimentuak batzar nagusia ospatu dau Bilbon, “laneko zaintzan begirada jarrita”
Bizkaiko HOAC mobimentuak batzar nagusia ospatu eban joan dan zapatuz, ekainak 22, “laneko zaintzan arreta jarriz Ekintza Katolikoko mobimentu espezializatu honek aurrez aurre dituan erronka, lehentasun eta proposamenei helduz”.
Batzar nagusian, 2023-2025 aldirako pentsatutako “lana zaindu, bizia zaindu” kanpainaren inguruan alkarrizketan jardun eta erabakiak hartu ebezan.
Hain zuzen be, Ekintza Katolikoko mobimentu espezializatu honek datorren kurtsoari begira dituan erronka, lehentasun eta proposamenen inburuan eztabaidan jardun eben, “begirada sinistedunaz, errealitatea, militanteen konpromisoaren esperientzia eta Eleiza lez, langile eta lan munduan beren-beregi eragiten daben gizarte zatiketez era desbardintasun eta bidegabekeriez jositako eremuan dituan egundoko erronkak aztertzeko, eremu horretan Jesukristok proposatutako gizatasunezko egitasmoaren lekuko eta bultzatzaile izatea gaur egun be nahitaezko dala jabetuta”.
Durangaldeko taldeak gidatutako hasierako otoitzaldiaren ostean, Eleizbarrutiko askotariko errealitateen “talde-bizitza” aurkeztu eben. Ondoren, kanpainaren inguruan solasean jardun eben. Atsedenaldiaren ostean, HOAC mobimentua Bizkaian sartzea eta hedatzea zala-eta hasitako gogoetaren inguruan eztabaidan jardun eben.
Langile Pastoraltzan eta Bizkaiko Kristauen Topaketa eremuetan dabezan mandatua daben Bizkaiko HOAC mobimentuko zenbait militantek euren esperientzia batera jarri eben. Bazkaria be egin eben alkarregaz, besteak beste, militante-sen eta bizikidetza sustatzeko.
Roberto Jauregibeitia HOACeko Eleizbarrutiko kontsiliarioa buru zala eta Done-Bikendi HOACeko taldeak lagunduta, Eukaristia ospatu eben eta eguneko lana aurkeztu eben bertan.
Kurtso amaierako batzar nagusia “gertaera bereziki nabarmena da mobimentuaren bizitzarako. Aukera aparta da HOACeko militanteen alkartze eta bizikidetzarako. Oraingoan, Eleizbarrutiko 7 lurraldetatik -Iurreta, Galdakao, Bilboko Alde Zaharra eta Errekalde, Barakaldo eta Enkarterri- etorri da jentea eta bertan izan dira Romo eta Errekaldeko sarbideko taldeetakoak be”.
Sendotzak Errenterian (Gernika)
Asteburu honetan be ospatu dira sendotzak Eleizbarrutiko hainbat lekutan. Zapatu arratsaldez, sendotzaren sakramentua ospatu eben Errenteriako San Bartolome-Mertzede parrokian (Gernika), On Joseba Segura Bilboko gotzaina buru zala.
Begoñako karilloiaren kanpai-kontzertua
Beste urte batez, San Joan bezperaz, Begoñako basilikako kanpaien kontzertua ospatu zan atxo arratsaldez. Pieza honeek entzun ziran: San Joan zortzikoa, Oñazez, Goiko Mendian, In memoriam, Maitia nun ziran, Neure semian seme eta Salbe herrikoia.
