Ezagutu ebenen esanetan, ‘Mendi’ abade jator eta alaia zan. Bere bizitzan, hainbat sari jaso eban, besteak beste, Tonetti saria (nazinoartekoa, nazionala eta Euskal Herrikoa, 1995ean). Arriaga antzokiko ohorezko bazkide eta Tonettiren Adiskideak Alkarteko presidente be izan zan.
Atzo, Aste Nagusi bete-betean, Moskotarrak konpartsak plaka jarri eban bere omenez Hurtado Amezaga kaleko 46. atarian (Quinta parroquia deitutakoaren parean).
Plaka barria ez da letoi galdatuzkoa, lehengoa lez, “lapurrentzat hain erakargarria izan ez daiten”, konpartsatik azaldu dabenez. Hori bai, idazkia, bera da: `En esta casa nació y murió el cura del circo y los feriantes (23-04-1933/ 19-02-2007). Miguel María Mendizabal Ruiz. Bilbaíno de pro que nos hizo felices con su alegría y su humanidad. Beti gure bihotzetan´
Pastoraltza
Auñamendi entziklopedian jasoten danez, hainbat kargu izan eban pastoral zerbitzuan. “Ekintza Katolikoko Gazteen saileko presidente izan zan Santiago Apostolua ikastetxean (1951-1952; abade lagunkide (1961) eta parroko (1962-1969) Urioste-Ortuellako San Bernabe parrokian; Uri-Oste Alkarteko kontsiliario (1961-1969); Zirku, Azoka eta Ikuskizun Ibiltarietarako Espainiako GotzainenBatzarreko Migrazinoetarako Gotzain Batzordeko Apostolutzarako Zuzendari Nazionala (1967-1993); Bilboko Suhiltzaile-gorputzeko (1970-), Artzain-txakurren Lehiaketetako (1973-), Gastronomia-kofradietako (1993-) eta Zirku, Azoka eta Ikuskizun ibiltariko kapilau izan zan”.
