Ebanjelizatze, Katekesi eta Katekumenotzarako Gotzain Batzordeak antolatzen ditu jardunaldiok. Aurton, Alacanten izango dira, otsailaren 24tik 26ra, “Eleizbarrutiaren erronka: alkartasuna aniztasunean” goiburuaren haritik.
Ekitaldiari hasiera emoteko, Elxeko biltzar-gunera joango dira eta bertan Mons. Francisco Conesa Ferrerrek Alkartasunera deituak berbaldia eskainiko dau. Gainera, uria bisitatu eta ‘Escolania del Misteri’ dalakoaren kontzertuaz gozatuko dabe.
Bihar, Mons. Luis Marín de San Martín OSA, izango da hizlaria eta Abadea, alkartasunaren maisu gaiaren inguruan berba egingo deutse. Ondoren, Sergio Perez Baena Zaragozako bikarioak hiru esperientziaren inguruko mahai-ingurua koordinatuko dau: biziera erlijiosoa, laikotzagazko alkartasuna eta belaunaldien arteko alkartasuna.
Eguaztenez, heziketa seminarioetan gaia landuko da alkartasun eta eginkizunaren ikuspuntutik, Mons. Jesus Vidal Chamorro Segoviako gotzain hautatu eta Seminarioetarako Azpibatzordeko presidentearen eskutik.
Gotzaina Batzorde Iraunkorrean
Gotzainen Batzarreko Batzorde Iraunkorrak 269. batzarra ospatuoko dau otsailaren 25 eta 26an Gotzainen Batzarrak Madrilen dauan egoitzan. On Joseba Segura Bilboko gotzaina Batzorde Iraunkorreko kide da, Misinoetarako eta Eleizen arteko Lankidetzarako Gotzain Batzordeko presidente dalako.
Batzorde Iraunkorrak EGBaren 2026-2030 laurtekorako pastoral ardatzak lantzen hasteko proposamenak aztertuko ditu. Espainiako Eleizan Sinodotik ataratako azken agiria garatzearen inguruan be gogoeta egingo dabe eta Gotzain Batzordeen eta EGBeko gainerako erakundeen inguruko gaiak aztertuko dabez.
