Ekainean hasiko da BizkaiBira eta 19 ibilbideetan Bizkaiaren aberastasun naturalaz gozatzeko eta askotariko pastoral errealitateak ezagutzeko aukera izango da.
Ibilbideak prestatzen diharduan batzordearen esanetan, bideari ekin aurretik aplikazino ofiziala jaistea komeni da. App honen bitartez, etapa baten edo gehiagotan izena emon daiteke, ibilbidearen zehaztasunak ezagutu, etapen luzera ikusi, zailtasunak, e.a.
Hainbat jarduera ibilbide bakotxean
Etaparen amaierako herri bakotxeko alkarteak abegi egingo deutse partaideei. Leku bakotxean, bazkaria eta arratsaldeko eta gaueko jarduerak prestatuko dabez. Gau-ekitaldiaren ostean, gura dauanak bertan lo egiten geratzeko aukera izango dau.
Ezinbestekoa da izena emotea, etapa bakar batean zein gehiagotan izan
Alkarren Barri aldizkariak ibilbidea aurreratzen dihardu
Alkarren Barri aldizkariak proposatutako 19 ibilbideetan bisitatuko dan hainbat leku interesgarri aurkezten dihardu hilez hil. Martxoko alean, 13., 14. eta 15. etapen barri emoten da, hau da Plentziatik, Portugalete eta Sopuerta zeharkatuz, Balmasedaraino doan ibilbidea. Besteak beste, Andra Mari basilika, Pobaleko burdinola edo Bizkaiko lehenengo herribilduan dagoan San Severino eleiza bisitatuko dira.
