Bizkaiko Caritaseko zuzendariak dei egin deutse boluntarioei hirukoiztarrek Algortan daben etxean ospatuko dan ekitaldira joan daitezan esker ona adierazoko jake eta euren lanagaitik. Carlos Bargosen esanetan, eurak dira erakundearen “benetako altxorra”, euren begiratzeko eragaz “sufritzen dagozan pertsonen aldeko konpromisoa” ulertu egiten dabelako.
Ana Sofi Telletxea Gizarte Behatokiko arduradunak azaldu dauanez, eguneko goiburuak dinoanez, zaintzea, ezinbestekoa da “eskutik heltzeko, lagun egiteko eta gizarte honetan bidelagun doguzanei begiratzeko”.
Eukaristia eta azoka
On Joseba Segura gotzaina buru dala ospatuko dan Eukaristiak emongo deutso hasiera gaurko ekitaldiari. Honen ostean, VI. bikaritzako askotariko egitasmoak aurkeztuko dira beren-beregi jarriko diran standetan. Alkartzeko, eskertzeko eta jai egiteko aukera izango da. Asteburuan, Bizkaiko Caritasen kanpaina lurraldeko eleizetara eroango da.
Gotzainaren gogoeta boluntario-lanari buruz
‘Alkarren Barri – Comunicación’ aldizkariaren azken alearen hasieran, Bilboko gotzainak boluntarioen egitekoaren inguruan egin dauan gogoeta jasoten da. ‘Paulo VI.a’ Fundazinoan, lanaren etorkizunari eta honek aurkezten dituan galderei buruz kristau ikuspuntutik eskaini eban berbalditik ataratako idazkia da. Besteak beste, zera dino: “ordaintzen ez dan giza lanak egundoko balio sozial eta espirituala dau giza hartu-emonetan funtsezkoa dan osagaia islatzen dau-eta: doakotasuna”.
