Gaur, monja domingotarrek Bizkaian dabezan alkarte bietan izango diran ospakizunetan ez da afrikar kantu eta dantzarik faltako. Elorrio eta Lekeitioko monasterioetan bizilagun diran monja gehienak, kenyarrak dira.
Beste hainbat ospakizun berezitan lez, gaur euren ohiko alaitasun eta koloreakaz girotuko dabe liturgia. Lekeitioko prioreak azaldu dauanez, “alkarte bietako monja gehienek alkar ezagutzen dabe, afrikar herrialdeko ingugu berekoak dira-eta”. Alkarte honetan, hain zuzen be, orain dala urte batzuk zabaldu eutsiezan ateak kanpoko bokazinoei. Komunidadetik dei egiten deutse eleiztarrei ospakizunean zein hamaiketakoan parte hartu daien.
Gozokien enkarguak
Sor Patricia, Elorrioko monja domingotarren komentuko prioreak ilusinoz beteta bizi dau egun hau izan be, bere esanetan, “aukera ederra da guretzat hain berezia dan egun hau auzotarrakaz bizitzeko”.
Gaur ez dira gozogintzan arituko. Izan be, tartak eta gozokiak egiten dabez urte osoan, baina “abuztuan askoz enkargu gitxiago izaten dogu; ikusten da jentea oporretan dana”. Gozogintza da alkarteari eusteko bide nagusia eta, horregaitik, dei egiten dabe 94 682 04 55 telefonora deitu eta enkarguak egiteko.
Fraile domingotarren Bizkaiko alkarte bakarra, Atxurikoa, Vitoria-Gasteizera lekualdatu zan, baina asteburuetan tenpluko kontuez arduratzen da.
