On Joseba Segura gotzaina buru izango da eguerdiko 12:00etako Meza Nagusian. Aurretik, harrera egingo deutso Juan Maria Aburto alkatea buru dala basilikara joango dan udalbazako hainbat kideren taldeari.
Ohiturari jarraituz, Basurtuko Beti Jai Alai dantza-taldeak Begoñako Andra Mariari eskainitako dantza egingo dau altaran.
Ospakizunaren ostean, bertaratutakoak Gernikako arbolaren kimua dagoan lekura joango dira, basilikaren atzealdera eta bertan Gernikako Arbola kantatuko da.
Ostean, Begoñako aurreskua dantzatuko da Joan XXXIII ‘plazan’. Plazako ekitaldia amaitzeaz batera, Udalbatzak dominak banatuko ditu.
Gaueko bederatzietan ospatuko dan azken eleizkizunari amaiera emoteko Guridiren Salbe herrikoia abestuko da.
Meza Nagusia, zuzenean
Basilikara joaterik ez izan eta Meza Nagusian zuzenean parte hartu gura dabenek, Eleizbarrutiak youtube bidez eskaintzen deutsen zerbitzuaz gozatu leikie. Telebilbaok be zuzenean emitituko dau seinalea. Goizeko 10:00etako meza euskeraz izango da eta Bizkaia Irratiak zuzenean emongo dau.
