Aldizkariaren kurtsoko azken alean, Bizkaiko Eleizaren inguruko gaurkotasunezko gaiak jasoten dira. Gotzainak, hasieran, monasterioetako bizitzaren balioa azpimarratu dau, egunotan bereziki Beloradoko klaratarren kontua dala-eta agertzen badira be komunikabide guztietan.
Hain zuzen be, Durangoko klaratarren komentuan ospatu zan kontenplazinozko bizieraren I. topaketa, ‘Pro Orantibus’ eguna. Han batu ziran Bizkaiko bost monasteriotako monjak, poz eta ospakizunean bat eginez. Gotzainak egin eban homiliagaz batera agertzen dan argazkian, monjak agertzen dira On Joseba Segura gotzainagaz solasean.
📌Pro orantibus ospakizuna Durangoko klaratarretan.
— Bilboko Elizbarrutia (@DiocesisBilbao) May 26, 2024
📌Las monjas contemplativas de Bizkaia celebran por primera vez la jornada en una celebración conjunta en el monasterio de las clarisas de Durango. pic.twitter.com/BR70vOSz5B
Beste hainbat gai
Herri indigena baten (Vecunia) bila Begoñako basilikan egingo dan indusketa arkeologikoa be luze eta zabal jasoten da aldizkarian. San Antonio egunaren ostean hasiko diran errogatibak eta Urkiolako jaiaren inguruan antolatutako liturgia eta herri ekitaldiak be aitatu dira aldizkarian.
Besteak beste, kontu honeek be nabarmendu dira kurtsoko azken agerkarian: autorpena Eleizbarrutiko hainbat pertsona eta erakunderi, Caritas Bizkaia erakundearen kanpaina Gorpuzti Egunari lotuta, eta Lekeitioko organoa konpontzeko lanak. Ministerio ordenatuari dagokionez, ohiko sailaz gainera, maiatzaren 23an ospatu ziran abadegintzen urteurrenen ingurukoak jaso dira.
Abadegintzen urteurreneko argazkiak https://t.co/A3HHHIjI2i
— Bilboko Elizbarrutia (@DiocesisBilbao) May 24, 2024
Laguntzaileak
CONFERen (lekaime eta lekaideen erakundea), Eleizbarrutiko liburutegiko Jaime Lopez Eguilazen eta Jesus Llarena Liturgiarako ordezkaritzako arduradunaren artikuluak be irakurri daitekez ekaineko ale honetan.
