Batzarrean izan dira, Boliviatik etorritako Sor Gladys Montesinos perutar karmeldar misiolaria, Joan Jara Muñoz Txileko laikoa, Gonzalo Violero REDES eta Justiziaren alde lotu erakundeetako idazkaritzakoa, Oskar Perez salestar misinoetako eta REDES Bizkaia erakundekoa, Ivan Marquez SAL menesianoak eta REDES Bizkaia taldeetako kidea, Igor Irigoyen Itaka-Eskolapioak eta REDES Bizkaia taldeetakoa, Mary Tere Guzman Alboanekoa, Manu Moreno Karidade eta Zuzentasunerako Eleizbarrutiko ordezkaria eta Roberto Vidal osoko ekologiarako batzordeko kide eta kartzela pastoraltzako arduraduna.
III. Karabana
Osoko Ekologiaren aldeko KarabanarenIII. ekitaldi honetan, ekologiaren alde borrokan diharduen 9 lagunek “Iparraldeko sistemarib begietara begiratzen deutse, diskurtso eta iruzurrak alde batera itzi daizan”. Karabanak trantsizino ekologikoaren gaiari heldu deutso, arazoa argi eta garbi azalduz: “aldaketa energetikoa izango bada, ezinbestekoa da sistema ekonomikoa, extraktibismoa sustatzen dauan sistema, kontsumo-eredua aldatzea”. Horixe izan da, besteak beste, goizeko batzarreko mintzagaia.
Joan Jara Muñoz eta Gladys Montesinos dira Bilbora etorri dian “defendatzaileak”. Eurek, beste extraktibismoa eta meatzaritzaren kalteak jasaten dabezan herrialde indigenetako -Argentina, Brasil, Txile eta Peru- zazpi gaztek osotzen dabe karabana. Sei herrialdetako 10 uriburu bisitatuko dabez sentiberatasuna bizteko.
Mahai-ingurua gaur arratsaldez Arrupe Etxean
Gaur arratsaldez, 19:00etan, mahai-ingurua ospatuko da Arrupe Etxean (Aita Lojendio, 2), Bilboko Loiola zentroak eta Alboanek antolatua, REDES Bizkaia erakundeagaz batera.Joan Jara Muñoz, Chile eta Gladys Montesinos Sollo izango dira partaideak.
Gehiago jakiteko: https://www.enlazateporlajusticia.org/l/prensa-iii-caravana-ecologia-integral-españa
