Eleizbarrutiko ikastetxeak batzen dituan EBI sareko 14 ikastegik parte hartu dabe ‘Jazotakoa jaso’ bideoklipen VIII. lehiaketan. Aurreko ekitaldietan lez, jentearentzat gustukoen dan bideoklipa aukeratzeko bozketarako epea zabalik da.
Jone Aranberriak (Bizkaia Irratia), Igone Etxebarriak (Labayru Fundazinoa) eta Luis Mari Vegak (Bake eta Adiskidetzerako Eleizbarrutiko Batzordea) osotutako epaimahaiak jentearentzat onena dan bideoklipa aukeratzeko bozketa amaitzen dan egunean bertan, hau da, azaroaren 14an, emongo dau jakitera epaia.
Otsailaren 21ean ospatuko da sari-banaketa ikastetxe irabazlean. Beste batzuetan lez, Somorrostro ikastegiko ikus-entzunezko ikasleak arduratuko dira ekitaldiaren ekoizpen, grabazino, zuzendaritza eta emonaldiaz. Javier Onaindia irratietako zuzendaria izango da aurkezlea.
Botoa emoteko: hemen
