Ibilaldia goizeko 7:30etan hasiko da herriko plazan, udaletxearen aurrean. Ibilbide osoa, hau da, 37 kilometro, egin daienek Zeanuriko ondare erlijiosoa ezautzeko aukera izango dabe eta, aldi berean, “izadiak sasoi honetan eskaintzen dauan kolore-sinfoniaz gozatuko dabe”. Antolatzaileek beste ibilbide bi be eratu dabez: laburra, 15 kilometrotakoa eta ertaina, 28 kilometrotakoa.
Antolatzaileek azaldu dabenez, ermitetara egiten dan ibilaldiaren helburuak hasierakoak dira: zapatu goiza izadiagaz hartu-emonean kirola eginez igaroteko aukera emon, eta Zeanuriko auzotarrei zein bisitariei Gorbeia mendiaren magalean finkatutako udalerriko ermita eta auzoak ezagutzera emon.
Izena emotea: Joko Alai alkarteko bazkideek: 7 euro, eta 14 urtetik beherakoek 4 euro. Gainerako partaideek, ibilaldiaren egunean bertan, 6:45etatik aurrera, herriko plazan: nagusiek 10 euro eta 14 urtetik beherakoek 6 euro.
Urteera: 7:30etan.
Ibilbide osoa: 37 kilometro. Aukerako ibilbideak: Laburra: 15 kilometro. Ertaina: 28 kilometro. Ibilbidean, hainbat anoa-postu egongo da.
