Zortziehun lagun baino gehiago batuko da gaur Seminario Zentrum eraikinean kurtsoari hasiera emoteaz batera, Eleizbarrutiaren sorreraren urteurreneko lehenengo ekitaldia ospatzeko.
Hainbat ezusteko izango da, besteak beste, Xabi Aburruzaga trikitilariak beren-beregi urteurren honetarako konposatu dauan abestiaren zuzeneko estreinaldia..
Larunbat honetan abesti berri bat estreinatuko dugu! 🥳@DiocesisBilbao pic.twitter.com/c8Gk9Q2Spr
— Xabi Aburruzaga (@XabiAburruzaga) September 26, 2024
Jardunaldiak domekan be izango dau oihartzuna
‘Goazen 2024’ ekitaldian parrokiek, kurtsorako begirada gauzatze aldera, hau da, alkarte abegitsu eta barneratzaileak izateko garatzen daben hainbat esperientzia batera jarriko da.
Aitatutako begirada horren xedea, alkarteei adore emotea da pertsona, egoera, esntsibilitate eta bizipen anitzak onartzeko gauza izan daitezan. Honen haritik, asteburuko kanpainak dei egiten deusku egunez egun asmo barriak izan daiguzan danon artean helburua lortzeko. Horretarako, begiratzea, bila ataratea, soiltasunez bizitzea eta alkartean bide egitea proposatzen da.
Asteburuan, parrokietan Bilboko Eleizbarrutiaren eta Caritasen alde egingo dan kanpainaren oinarria be baterako ikuspuntu hori da.
