Barriak
Etiquetado como: Derio
Ehunka lagun batuko a gaur Derion kurtsoari hasiera emoteko
Gaur, 800 lagun baino gehiago batuko da Derion, Bilboko Eleizbarrutiaren sorreraren 75. urteurrena dala-eta, berezia dan kurtsoari hasiera emoteko. Ekitaldiaren helburua hauxe da: alkartu, gogoratu, esker ona adierazo eta Bizkaiko Eleizaren etorkizunari begira jarri. Goizeko 10:00etan hasi eta 15:00ak inguruan amaituko da. Ondoren, asteburuko ospakizunetan emongo jako …
Eleizbarrutiko liburutegiko bitxikerien bilduma
Komunikabideetarako Eleizbarrutiko sailak Jaime Lopez Eguilazek Eleizbarrutiko liburutegiaren inguruan Alkarren Barri aldizkarirako idatzitako artikuluen bilduma argitaratu dau. Askotariko gauzak irakurri daitekez, besteak beste, "irakurten ez ekien pertsonei Jainkoaren Hitza ezaagutzera emotea" helburutzat eukan Biblia mutuaren jatorria edo eskuizkribuak adimen artifizialera …
Pertsonaia historikoak Derioko beirateetan
2022an, "Alkarren Barri / Comunicación" Eleizbarrutiko aldizkariak Derioko Seminarioa eraikinean dagoan zenbait beirateren argazkiak aurkeztu ebazan urteko 9 aleetan. Jose Maria Muñoz Eleizbarrutiko abade eta artistak -bere heriotzaren 25. urteurrena osaptu barri dogu- diseinatu ebazan beirate guzti horreek. Orain, Eleizbarrutiak daukan Instagram kontuaren bitartez, egunez …
Frantzisko aita santuaren mezua komunikazinoaren arloko profesionalei
Bihar -ekainak 1, domeka-, Jaunaren Igokundearen Egunez, Gizarte Komunikazinoen Munduko 59. Eguna ospatuko da. "Batera jarri, otzantasunez, zuen bihotzeko itxaropena" goiburuaren haritik ospatuko da eta izenburu bera dau Frantzisko Aita Santuak egun honetarako idatzi eta Erroman, urtarrilaren 24an, Saleseko San Frantzisko komunikatzaileen zaindariaren egunez, kazetarien Jubileuan aurkeztu eban mezuak. Komunikabideetarako eleizbarrutiko saileko ordezkaritzak ekitaldi horretan parte hartu eban.
Bilboko Eleizbarrutiko Monumentuen Katologoa, eredu Europan
Bilboko Eleizbarrutiko Monumentuen Katalogoa gaur goizean aurkeztu da Zeberioko Olabarrietako Santo Tomas parrokian. Lan honek Bizkaiko tenpluetan gordetako ondarea bere osotasunean batu, aztertu, informazinoa bildu eta argazkiz hornitu egiten dau, aparteko zehaztasun eta sentiberatasunagaz. Jazoera garrantzitsua, begiak 2029an jarrita, tipi-tapa bide egiten ari dan lurraldeko kultur ondarearen katalogazinorako. On Joseba Segura Bilboko gotzainak eta Leixuri Arrizabalaga Euskera, Kultura eta kirol diputatuak parte hartu dabe ekitaldi publikoan.Juan Manuel Gonzalez Cembellin Eleiz Museoko …
Bizkaiko kristau mobimentuak armagabetzearen alde
Antolatzaileek dei egin dabe bihar eskolapioen ikastetxean 10.00etatik 13:00era ospatuko dan ekitaldira joateko. Euren esanetan, une egokia da "gure kristau tradizinoaren" historian beti agertu izan diran "bakearen aldeko eta indarkeriaren aurkako konpromisoa" eguneratzeko. Era berean, ezinbestekotzat joten dabe herritarren mobilizazinoa gaur egun guztiz hedatuta dagoan gerraren aldeko joera geldiarazoteko. Luis Mari Vega bake eta adiskidetzerako Bilboko eleizbarrutiko arduradunak ekitaldian parte hartzeko deialdia egin dau Radio Popular-Herri Irratian egin deutsen alkarrizketan.
Eskusoinuen kontzertua Caritasen "Egunon Etxea"ren alde
Amagoia Loroñok zuzentzen dauan Eskusoinuen Bilboko Orkestra Sinfonikoak 15 urte daroak Bilboko leku guztietara musika eroanez, hiribilduko Udalagaz batera antolatutako "Musika, zeure auzoan gozatzeko" jaialdiagaz. Hilabeteotan ospatu dan jaialdiari bihar -maiatzak 31, zapatua- emongo jako amaiera Begoñako basilikan iluntzeko zortzietan Catitas Bizkaiaren “Egunon Etxea” egitasmoaren alde eskainiko dan kontzertu solidarioagaz. Sarrera doan leku guztiak bete arte.
Gazteek barriketaldia izan dabe gotzainagaz
29 urtetik beherako 11 gaztek ordu biko barriketaldia izan eben Bilboko gotzainagaz eta euren ardura, eretxi eta bizipenak aurkeztu eutsezan. Ekitaldia antolatu dauan ume eta gazteen sailetik azaldu dabenez, datorren kurtsoan esperientzia hau erripatzea gurako leukie.
Monja domingotarren Elorrioko komentuaren 325. urteurrena
Datorren zapatuz, maiatzak 11, monja domingotarren Elorrioko komentuaren 325. urteurrenagaitik eskerrak emoteko Meza ospatuko da 11:00etan. 1699an amaitu ziran eraikinaren eraikuntza-lanak eta Ermua herribilduko Santa margarita komentuko monjei aterpea emotea izan zan bere helburua. Monjen lekualdatzea, "Elorrioko familia pisudunen eskutik egin zana", 1700ean burutu zan.
Zapatuz, Getxon ospatuko da Gizarte Jubileua
Frantzisko Aita Santuak 2025erako deitutako Jubileua ospatzen dihardu Eleizak. Gure eleizbarrutian,joan dan urteko abenduaren 29an emon jakon hasiera Jubileuari, Bilboko Alde Zaharreko kaleak zeharkatu ebazan prozesinoagaz eta Santiago katedralean ospatu zan Eukaristiagaz. Eta harrezkero Gizarte Jubileua ospatzen ari gara bikaritzaz bikaritza, honeetako askotariko errealitateak ezagutzeko. Martxoan izan zan lehenengo ekitaldia, I. bikaritzan, hain zuzen be Barakaldon, Caritas Bizkaia erakundeak kudeatzen dauan gizarte jantokiaren aurkezpenagaz. Apirilean, IV. bikaritzan ospatu zan Gizarte …
Urrezko eta Zidarrezko Ezkontza-ezteguak barikuz, Begoñan
Datorren barikuz, maiatzak 30, senar-emazteek euren Urrezko eta Zidarrezko Ezteguak ospatuko dabez Begoñako basilikan. On Joseba Segura gotzaina buru dala ospatuko da Eukaristia, arratsaldeko seiretan.
"Bikaia isilik" bilkuretan aurton Mediterraneoan hilako pertsonak gogoratuko dabez
Hilaren azken eguaztenez ohikoa danez, "Bizkaia isilik" bilkurak egingo dira gaur arratsaldez, 19:30etan, betiko lekuettan: Bilbon, Arriaga plazan; Portugaleten, Gregorio Uzkiano kalean; Barakaldon, Bide Onera plazan; Galdakaon, Iturriondo plazan; Durangon, Andra Mari eleizpean; Balmasedan, San Severino plazan; Getxon, Telletxe plazan (metroaren ondoan) eta Zornotzan, Herriko plazan.
Caritaseko boluntarioen batzarra Abando-Albian
Gaur arratsaldez, 18:30etan, Abando-Albia Pastoral Barrutiko (PB) Caritaseko boluntarioen batzarra egingo da Bilboko San Frantzisko Xabier parrokian.