Gastronomia-alderdiaz haratago, “Munduko Arrozak/Arroces del Mundo” ekitaldia, eremu ireki, herrikoi eta parte-hartzaile lez aldarrikatzen da. Bilbo Zaharra, San Frantzisko eta Zabala auzoetako aniztasuna ospatzeaz batera, agerian jarri gura ditu auzo eta auzotar honeek jasaten dabezan gizarte arazoak
Arrozaren inguruan batuko dira beste behin be askotariko jatorri, kultura eta errealitatetako pertsonak. Ekimen herrikoi honek kulturartekotasuna, bizikidetza eta gizarte partaidetza sustatzen ditu auzoetan.
Hiru mila lagun inguruk parte hartuko dau, 110 talde eta koadrilatan banatuta, tartean, Bizkaiko Eleizari lotutakoak.
Gizarte konpromisoa nabarmenduko da eta, aurton, hain zuzen be, GERRARIK EZ oihukatuko da, auzoen nortasun eta aniztasuna aldarrikatu eta auzotar askok eta askok etxebizitza jadesteko dauan zailtasuna eta honek dakarren gizarte bazterketa salatu.
Egunean zehar, kultur ekitaldiak, umeentzako tailerrak, emonaldiak eta kalejira izango dira, arrozen lehiaketaren eta herri bazkariaren inguruan.
Egitaraua:
09:00: Mahai eta aulkiak banatu izena emon daben taldeei
11:00: Umeentzako joko eta tailerrak. Musika-emonaldiak
Koadrilek arroza prestatu
- 13:00: Kalejira aniztasuna aldarrikatuz auzoan, kalez kale.
- 13:30: MUNDUKO ARROZAK gastronomia-lehiaketa
- 14:30: Arroza banatu. Bazkaria
- 17:00: Sari-banaketa eta zozketa
