Saioan, HOAC Bizkaia mobimentuko zortzi taldeek euren inguruetako esperientziak (migratzaileak, pentsinodunak, lan-ezbeharretako biktimak) batera jarri ebezan. Errealitate horreek eta Jainkoaren Hitza aurrez aurre jarri eta konpromiso barriak zehaztu ebezan behin-behinekotasunari, bakarkeriari eta desbardintasunari aurre egiteko.
Batera bizi izandako itxaropenaren indarra (sinodo-prozesua, parrokiako jarduna, langile pastoraltza) gororatu eben eta giza duintasunerako erabakigarri dan errealitatera, hau da, lanaren eremura, zalbaltasun handiagoz begiratu. Leon XIV.a aita santuak oraintsu egindako deiakaz bat, HOAC bizimodu duinaren aldeko eskubidea aldarrikatu eban, horretarako lan egonkorra, eskubideak errespetatzen dituan eta bizitzarako egitasmoa egitea ahalbidetzeko lana ezinbestekotzat joz. Mobimentuak alkartea eraikitzeko eta bizia zaintzeko lana zaintzen jarraitzeko konpromisoa berretsi eban.
