Hirurogei lagun inguru -tartean, hainbat abadegai eta Ignacio Fernandez seminarioko errektorea- atara zan autobusez joan dan zapatuz Madrilerantz. Taldean ziran Clara Arza Fede-zabalkunde eta Katakesirako ordezkaria eta Maria Manrique ume eta gazteei zuzendutako saileko kidea. Aita Santuaren bisitako ekitaldi nagusietan parte hartu eben, euren aldetik joan ziranakaz batera, hemendik, guztira, 90 lagun inguru joan zalarik.
Bijilia eta Eukaristia, une nagusiak
Taldeak Leon XIV.a aita santua buru zala zapatuz ospatu zan Otoitz-bijilian parte hartu eban, Lima plazan, eta biharamunean, Eukaristian, Cibeles plazan.
Bilbotik Madrilera joandakoak badatoz etxerantza. #batera
— @DiocesisBilbao (@DiocesisBilbao) June 7, 2026
Tras la eucaristía, el grupo de Bizkaia vuelve a Bilbao. Horas intensas con la visita del papa. pic.twitter.com/bE353ksyk9
On Joseba Segura be hantxe izan zan, AIta Santuak asteburuan gidatu ebazan ospakizunetan, aurretik Zeanurik Maitasunaren eguneko jardueretan parte hartuta.
Dana prest Zeanurin, maitasunaren eguna ospatzeko.
— @DiocesisBilbao (@DiocesisBilbao) June 6, 2026
Hoy en Zeanuri el día de la caridad. Fiesta y reconocimiento a las personas voluntarias. @caritas_bizkaia pic.twitter.com/qNGrdHyBC1
Kongresutik Gotzainen Batzarrera
Egun esanguratsua da gaurkoa AIta Santuaren bisitaldian. Kongresuen Diputatuan berba egin eta, beste behin be, alkarrizketa, bizikidetza eta bakearen eraikuntza ezinbestekotzat jo ondoren, Leon XIV.a Espainiako gotzainakaz batzardu da, Eleizarentzat garrantzi handia dauan ekitaldian.
Gainerako gotzainagaz izango da On Joseba Segura gotzainagaz batera, entzute, gogoeta eta alkarrizketarako aukeratzat jo dan ekitaldian.
Gaur arratsaldez, gainera, aita santua Eleizan gertatutako sexu gehiegikerien biktimakaz alkartuko da, bere agendako hitzordu esanguratsuan.
Eleizbarrutiko ordezkaritza heziketaren inguruko topaketan
Eleizbarrutiko ikastetxeen arduradun diran Nerea Begoña eta Nerea Bilbao atzo Madrien izan ziran Aita Santuak kultura, heziketa, kirol, enpresa… arloko ordezkariakaz egin eban ekitaldian.
Bizkaiagaz bat eginda
Madrilera joaterik izan ez ebenek be aurkitu eben parte hartzeko aukera eta, esate baterako, Indautxuko Karmengo Ama eleizan 400 lagun inguru batu zan bijilia zuzenean jarraitzeko. Gurtzaren unea BIlbon be zuzenean bizi izan eben.
Esperientzia sakona
Egundoko jentetza izan da Madrilen ekitaldi guztietan eta ez da erraza izan lekuetara hurreratzea eta bertan egotea, baina han izan diranen ustez, egundoko esperientzia bizi izan dabe.
Bizkaiko taldea Aita Santuagaz goizean ospatuko dan mezatan parte hartzeko prest. #batera
— @DiocesisBilbao (@DiocesisBilbao) June 7, 2026
El grupo de Bizkaia ya está en Cibeles esperando que comience la misa con el papa #LeónXIV a las 10:30. pic.twitter.com/0b3t0jIHFg
Bat eginda, bidean dan Eleiza
Alkarte bizitzan eta gazteen akonpainamenduan aurrera egiteko dei eta bultzada ekarri dabe:
“Nadie está solo creyendo en Jesús. En comunidad podemos todos aprender lo que es la belleza de nuestra fe”.
Aita Santuak egun betea dau gaur: gotzainagaz batzartu, gehiegikerien biktimakaz batzartu…
Gotzainaren bisita zuzenean: hemen
