Arandoño Kultur Alkarteak denporaldi honetarako prestatu dauan egitarauko lehenengo kontzertua ospatuko da bihar -apirilak 26, zapatua-, Durangoko Andra Mari basilikan. Oscar Rodriguez organista izango da protagonista eta pantaila erraldoia jarriko dabe proiektatuko dan pelikula mutua eta organista bera ikusteko.
Denporaldiko lehenengo kontzertu honetan, pelikula mutua proiektatuko da, bat-bateko organo-musikaz lagunduta. Saio honetan, Oscar Rodriguez organistak jardungo dau eta Buster Keatonek zuzendari eta protagonista lez esku-hartu eban 1924ko pelikula estatubatuarra, hau da, “El moderno Sherlock Holmes” ikusiko da.
