Barriak
Etiquetado como: Musika
"Aba Taano" gospel-boskoteak Begoña eta Galdakaon jardungo dau
Datorren zapatuz, eleizbarrutiak egun garrantzitsua bizi izango dau, bere 75. urteurreneko ekitaldi nagusia ospatuko dau-eta. BECen ospatuko dan “Eleizea Plazara” ekitaldian milaka lagun batuko da goizeko bederatzietatik arratsaldeko bostetara. Arratsaldeko jarduerei jarraipena emon gura deutsanak, Aba Taano Ugandako taldeak Galdakaoko Andra Mariaren Zeruratzea parrokian …
Asteburuan, kontzertuak Abadiño, Durango eta Begoñan
Gaur -maiatzak 10, zapatua-, Bilbao Hiria Nazinoarteko Organo-jaialdiari hasiera emongo jako Frantziako Tolosako kontserbatorioko organo-irakasleak Begoñan, arratsaldeko 20:00etan eskainiko dauan kontzertuagaz. Beste alde batetik, Durangoko Orfeoiak -abesbatza eta ganbara-orkestrak Abadiñon eta Durangon jardungo dau asteburuan.
Gizakundea eta Sortze Garbia eleizetan, "Bilboko irudiak"
Bihar -maiatzak 9, barikua- "Bilbao gozo 'Estampas bilbainas-Bilboko irudiak" jaialdiari hasiera emongo jako. Rossini abesbatzaren ekimena da eta Bilboko Udalaren eta gozotegien Bizkaiko gremioaren laguntzagaz antolatu dau. Sei kontzertu izango dira sei leku desbardinetan, 19:30etan (sarrera doan leku guztiak bete arte) eta antolatzaileen esanetan, Uribilduaren sorreraren …
Denporaldiko lehenengo kontzertua Durangoko basilikan
Arandoño Kultur Alkarteak denporaldi honetarako prestatu dauan egitarauko lehenengo kontzertua ospatuko da bihar -apirilak 26, zapatua-, Durangoko Andra Mari basilikan. Oscar Rodriguez organista izango da protagonista eta pantaila erraldoia jarriko dabe proiektatuko dan pelikula mutua eta organista bera ikusteko.
"BAS. Erlejino-musika" jaialdia gaurtik aurrera Gizakundea eleizan
Apirilaren 10etik 14ra, BAS. Erlejino-musika" jaialdia ospatuko da Gizakundea eleizan. Bilboko udalak antolatzen dau ekitaldi hau, aurton, "Mirespena / Admiración" goiburuaren haritik, eta, besteak beste, Bach, Carissimi, Palestrina edo Zubiaurre musikagileen piezak interpretatuko dabez. Sarrerak 10 euroren truke erosi daitekez Arriaga antzokiko leihatiletan, …
"Miserere" kontzertua DANAk eragindako biktimen alde
Begoñako kofradiak eguerdian eskainitako prentsaurrekoan aurkeztu dau Garizuman ospatzen dan "Miserere" kontzertua. Begoñako basilikan izango da, datorren zapatuz, martxoak 22, iluntzeko zortzietan. Aurton, ongintzazko kontzertu honen bitartez batu daiten dirua Caritasek bideratuko dau Valentzian DANAk eragindako biktimei laguntzeko.
Victor Zubizarretaren 'Meza kantatua Santa Zeziliaren omenez', zapatuan, Begoñan
Datorren zapatuz, martxoak 8, Jartoki abesbatzak Victor Zubizarreta organista eta musikagileak idatzitako meza interpretatuko dabe (3 eta 4 ahotsetara) 11:00etan, Begoñako Andra Mari basilikan. Zubizarreta basilikako organista izan zan 1936 eta 1969 bitartean.
Egunotan, alkartzeak, bisitak, musika, jaiotzak...
Egunotan, beste erritmo batera bizi gara, aspaldi ikusi bako lagunakaz alkartzen gara, baita senideakaz be, ospakizunak izaten dira parrokia eta taldeetan eta Gabon-aldiko hainbat ekitalditan parte hartzeko aukera izaten dogu, besteak beste, kontzertuetan eta jaiotzen erakusketetan. Hona hemen batzuen aitamena:
Musika Gabon-aldian
Gabonen atarian gagoz eta sasoi honetan ugariak izaten dira kultur ekitaldiak eta handia musikaren protagonismoa. Horregaitik, datozan egunetan hainbat emonaldi izango da gure inguruan. Hona hemen batzuen barri:
Migueli kantautorearen kontzertua barikuan, Muskizen
Migueli kantautoreak kontzertua eskainiko dau datorren barikuz, azaroak 22, Muskizeko Meatzari aretoan, 19:30etan, Gatz eta Argi komunitatearen eskutik. Komunitateko kideek dei egin dabe kantautorearen kontzertura -sarrera doan- koateko. Euren esanetan, "urte asko daroaz musikari lotuta eta bere umorea, gizarte konpromisoa eta biziaren aldeko grina kontzertuetan be agertzen …
Naiara Trifol eta Pakembak 75. urteurreneko kantua abestuko dabe BECen
Eskaut taldeetako kideek osotutako Pakemba taldeak girotuko dau 'Eleiza plazara' azoka, arratsaldez ospatuko dan erromeria. Eszenatoko nagusian joko dabe 25:30etatik aurrera. Momentu baten, Naiara Trifol igoko da eszenatokira eta `Geroa Marraztu´ 75. urteurreneko kantua abestuko dabe.
"Gaixotasunean, itxaropena", berbaldia Gaixoaren Pazkoa dala-eta
Maiatzaren 25ean, Pazko aldiko VI. domekaz, Eleizak Gaixoaren Pazkoa ospatuko dau. Karidade eta Zuzentasunerako Ordezkaritzan dagoan Osasun Pastoraltzarako sailetik dei egin dabe astelehenerako -maiatzak 19- antolatu daben berbaldian parte hartzera. Barria eraikineko areto nagusian izango da, 17:00etan eta Estrella Moreno Eleizbarrutiko Teologia eta Pastoraltza Institutuko (ETPI) zuzendariak "gaixotasunean, itxaropena" gaiaren inguruan jardungo daualarik. Biharamunean, martxoak 20, Eukaristia ospatuko da Begoñako basilikan, 17:30etan, Kerman Lopez bikario nagusia buru dala. Web honetatik …
'Eleiza plazara' ekialdiagaz 4.000 gara Youtuben
Bilboko eleizbarrutiaren 75. urteurrena ospatzeko maiatzaren 17an BECen ospatuko dan Eleizea plazara ekitaldiaren atarian, 4.000 harpidedun gara YouTube kanalean. Zapatuko azokan, jente-kopuru bera batuko dala uste da.
Julio Gomezen berbaldia: "Heriotzaren prozesu fisiko eta erlijiosoa"
Santurtziko San Juan de Dios ospitalean zainketa aringarrien arloan aditu zan Julio Gomez medikuak berbaldia eskainiko dau bihar -maiatzak 15, eguena- arratsaldeko seietan, agustindarren Lekeitioko komentuan. "Heriotzaren prozesu fisiko eta erlijiosoa" goiburuaren haritik jardungo dau Lekeitioko Andra Mari parrokiak, Santurtziko San Juan de Dios ospitalearen laguntzagaz, maiatzaren 25ean, Pazko aldiko VI. domekaz, ospatuko dan Gaixoaren Pazkoaren inguruan.
4.000 ostia zapatuko meza jentetsurako
Datorren zapatuz, meza jentetsua ospatuko da Bizkaian. Ordu batean izango da Bilbao Exhibition Center erakustazokako (BEC) 3. pabiloian, "Eleizea plazara" azokan. Aita santu barriaren bisita bat baino gehiago izan daben Santa Monika monasterioko monja agustindarrak dira Bilboko eleizbarrutian ostiak egiten dabezan bakarrak. Hilean 50.000 ale inguru ataraten dabe euren makinetatik hainbat eleizbarrutitan banatzeko. Bizkaiko Eleizak 4.000 forma eskatu deutsez oraingoan. Jane Severin nagusiak azaldu dau formak zelan egiten diran eta aita santu barriaren izendapenaren inguruan daben eretxia, …
Eleiz Museoak BECeko azokan ospatuko dau bere eguna
Eleiz Museoak "Eleiza plazara' azokan jarriko dauan standean ospatuko dau Museoen Nazinoarteko Eguna. Ekitaldia datorren zapatuz ospatuko da BEC erakustazokan eta bertan 90 estandetik gora jarriko da eta, zazpi orduz, askotariko jarduerak izango dira, besteak beste, 30 tailer, 8 emonaldi eta 45 berbaldi edo dinamika. Adin guztietako lagunentzat pentsatuta dago Bilboko eleizbarrutiaren 75. urteurrena ospatzeko prestatu dan ekitaldi nagusi hau.
"Kanpoaldetik nator. Pobreaz, kanporatuaz, jazarriaz hitz egitean, ez naz teoriatik ari, barru-barruko esperientziatik baino"
Atzo arratsaldez, Bilboko San Luis Beltran eleiza jentez lepo bete zan Manuel de Jesus Heredia Noriegaren diakonogintzarako eleizkizunean parte hartzeko. Eukaristian, On Joseba Segura eleizbarrutiko gotzaina buru izan zan eta 30 abade inguruk alkar-meza emon eben. Eleizkizunean izan ziran Manuelen senideak, diakonoak, adiskideak eta orain dala 17 urte inguru Bilbora heldu zanetik ezagutu dauan jentea, besteak beste, Vida ascendente/Bizian gora mobimentuko kideak -Manuel kontsiliarioa da- eta Eleizbarrutietako Misinoetakoak, urtarriletik aurrera ordezkari da-eta.
Bizkaiko HOAC Urduñan batu zan atzo
HOAC mobimentuaren eguna zala-eta, Bilbao eta Gasteizko eleizbarrutietako militanteak, senideak, jarraitzaileak eta sarbideko kideak Urduñan batu ziran atzo. Alkartze, jai eta aldarrikapenerako egunean, "barriro alkarte izaten ikasteari" buruz gogoeta ebin eben kristau langileen mobimentuak bultzatzen eta garatzen diharduan "lana zaindu, bizia zaindu" kanpainaren harira.
CONFER erakundearen erretiroa: "bokazinoa, misterio, doe eta egiteko lez"
Bokazinoen aldeko Munduko Otoitz Egunaren eta Sorterriko Bokazinoen Egunaren bezperan, zapatuz, eta CONFER-lekaide eta lekaimeen batzordeak antolatuta, Pazko aldiko erretiroa ospatu zan Bilbon, Luis Mª Vegak gidatuta.
Otoitzaldia eta "pintxopote" solidarioa, Sestaon, eta lasterketa, Mundakan
Joan dan zapatuz, LGTBQ+gorrotoaren aurkako otoitzaldia ospatu zan Sestaon, Pastoral Barrutiak (PB) antolatuta. Eta atzo -domeka-, Sestaoko umeen katekesiko familiek urtero antolatzen daben "pintxopote" solidarioa egin eben. Gainera, Mundakan, ehun lagun inguruk parte hartu eban Santa Katalina ermitaren inguruan ospatu zan "milian".