Iragarpen eta Katekesirako Ordezkaritzako Haur eta Gazteria Sailak Taizéren espirituaren inguruko proposamen hau aurkezten dau, “Udako esperientzia erdigunean jarriz, fedea alkartzeko, hazteko eta bizitzeko aukera parebakoa dalako”.
Parte-hartzaileak adinaren araberako taldeetan integrauko dira gogoeta biblikoak, alkarrizketa-uneak eta jarduera komunitarioak partekatzeko. Gainera, pertsona bakotxak bere gan hartuko dau komunidadearen barruan laguntzeko zeregin praktikoren bat.
Egitaraua
Eguneko errutina goizeko otoitzarekin hasten da, eta ondoren, gosaria; taldekako zerbitzuagaz jarraitzen dabe eguerdiko otoitzera arte, bazkaria eta ondoren, gogoeta biblikoa, partekatzea, lan praktikoak, topaketak, tailerrak eta gaikako jarduerak. Barikuan, bakearen aldeko otoitz berezia eta kurutzearen inguruko otoitza, asteko eta zapatuko unerik esanguratsuenetako bat, arratsaldeko otoitza kandelekin, Pazko argiaren ikurra.
Heziketa eta espiritualtasuna
Astean zehar fedearen eta eguneroko bizitzaren arteko harremanean sakonduko da, alkartasunari, bakeari, kulturari, arteari, lanari eta konpromiso sozialari buruzko tailerren bidez. Esperientziaren helburua otoitzaren, kantuaren, isiltasunaren eta nazinoarteko bizikidetzaren bidez Jainkoagaz alkartzea da.
Isiltasuna errespetetea sustauko da, batez be otoitzen aurretik eta ondoren. Espazio komunak, birziklapena eta ingurumena zainduko dira. Parte-hartzaile bakotxa bere ondasunen erantzule izango da, eta komunidadearen segurtasun eta bizikidetza-arauak errespetau beharko dauz.
Hileko otoitza
Orain dala hilebete batzuetatik hona, Taizeko komunidadearen espiritualtasun ekumenikoak eta apaltasunak lekua dauka Bilboko eleizbarrutian.
Taizeko Otoitzak otoitz komunitarioko gune bat dira, hilebete bakotxeko azken eguenean egiten dirana. Abandoko San Bizente Martiria parrokian, 19:30ean.
