Barriak
Etiquetado como: Gazteak
Erromarako bidean, gazteen Jubileuan parte hartzeko
Domekara arte gazteen Jubileuan parte hartuko daben gazteak Bilbotik atara ziran Erromara joateko. Gaur atarako dira beste batzuk eta han osotuko da eleizbarrutiko ordezkaritza.
Eleizbarrutiko 140 gazte inguruk parte hartuko dau Jubileuan, Erroman
2025ean, Eleizak, Frantzisko Aita Santuak deitu eban Itxaropenaren Jubileua ospatzen dihardu. Datorren astean, gazteak izango dira protagonista, uztailaren 28tik abuztuaren 3ra Gazteen Jubileua ospatuko da-eta Erroman. On Joseba Segura gotzainak be parte hartuko dau Gazteen Jubileuan eta Bilboko eleizbarrutitik doan taldeagaz izango da hainbat unetan, esate baterako, …
Amaitu da “SanFran 2025” uri-kolonia eta lan-kanpamentua
Beste urte batez, uztailaren aste biz, Caritas Bizkaia erakundeak, monja pasiotarrek eta jesuitek zerbitzua, boluntario-lana eta fedea buztartu dituan esperientzia burutu dabe. Sevilla, Oviedo, Madril eta Bilboko gazteek parte hartu dabe, talde koordinatzaileagaz batera.
300 lagun inguru familien egunean, Muskiz eta Ortuellako eskaut kanpamentuan
Muskiz eta Ortuellako Goizale eta Lurgazte eskaut taldeek 300 lagunetik gora batu ebezan atzo, Antoñanan (Kanpezu) egin daben kanpamentuaren amaieran.
Amaitu da Astrabuduako EKO-ACG kanpamentua
10 eta 16 urte bitarteko 46 neska-mutilek parte hartu dabe egunotan Ekintza Katoliko Orokorrak (EKO) antolatutako kanpamentuetan. Goizez, adinaren arabera osotutako taldeetara egokitutako gaia lantzen da. Arratsaldez, normalean, jolasak (ur-jolasak, olinpiadak edo ginkanak kanpoan) egin dabezeta gauez begiraleek eta nagusiek prestatutako gau-ekitaldiak. Zapatuz udal …
Parte hartu gura dozu campaJOCen?
Gazteria Langile Kristaua (JOC) mobimentuak "CampaJOC 2025" udako kanpamentua egingo dau Zallan uztailaren 21etik 27ra. Eleizbarrutiko 14 eta 30 urte bitarteko gazte guztiek emon leikie izena. Parte hartu gura dozu? Eurakas hartu-emonean jarri 688 88 39 50 (Ethan) edo 651 30 94 17 (Patri) telefonoen bitartez.
JOC Bizkaiaren batzar nagusia: azterketa, erronkak eta itxaropena
Atzo -domeka- ospatu zan Gurutzetako parrokian Kristau Gazteria Langilea (JOC) mobimentuaren kurtso amaierako batzar nagusia Bizkaian. Arduradunen esanetan, "bizi izandakoa aztertu zan, taldeek euren bizitzaren ingurukoak batera jarri ebezan eta gazte langileei fede, ekintza eta alkartetik lagun egiten jarraitzeko ilusinoa barritu genduan".
Santurtziko Santa Eulalia Patronatua haurren minbiziaren aurkako borrokan
Eleizbarrutiko ikastetxeak batzen dituan EBI sarean dagoan Santa Eulalia Patronatuak alkartasuna agertu gura izan deutse haur-minbizia jasaten daben ume eta familiak batzen dabezan Aspanovas Bizkaia eta Unoentrecienmil alkarteei, euren alde dirua batuz. Santurtzi Pastoral Barrutiko (PB) zazpi parrokiek parte hartu dabe diru-laguntzak emonez. Gainera, umeen katekesiko taldeek …
Giro ona Bilboko bikaritzetako "Bika egunean"
Atzo, "Bika eguna" osaptu zan Bilboko bikaritzetan (III-VII), gure eleizbarrutiaren 75. urteurretaren eta Jubileu urtearen barruan. 10 eta 18 urte bitarteko gaztetxo eta gazteak alkartu ziran eta egunari hasiera emoteko Eukaristia ospatu eben Abandoko San Bizente Martiria parrokian.
200 lagun inguru gazteen topaketan, Galdakaon
Atzo ospatu zan Galdakaon IV. eta V. bikaritzetako Pastoral Barrutietako ume eta gazteen XIX. topaketa Galdakaon, Gazteen Lurraldeko Mahaiak antolatuta. Berrehun lagun inguruk parte hartu eban, batez be Kilimusi, Argizai, Inurri, Oiz Anboto, Gogotsuak, Arratia, Tabira eta Kosnoaga eskaut taldeetakoak.
DOMUND 2025, Itxaropenaren Jubileuaren testuinguruan
Datorren domekaz, urriak 19, DOMUND eguna ospatuko dogu, "Misioneros de esperanza entre los pueblos - Herrien arteko itxaropen misiolariak" goiburuaren harira, Frantzisko Aita Santuak deitutako Itxaropenaren Jubileuaren testuinguruan. Honako honegaz batera agertzen dan bideoan, On Joseba Segura Bilboko gotzain eta Euskal Eleizbarrutietako Misinoetarako ordezkari eta MIgrazinoetarako eta Eleizen arteko Lankidetzarako Espainiako Gotzainen Batzarreko presidenteak zera nabarmendu dau: "gaur munduak itxaropenaren misiolariak behar ditu, euren bizitza eskeiniz maitasuna guzurra eta …
Lanuztearen kostua bere gain hartzeko eta Gazaren aldeko funtsa sortzeko eskatu deutse Gotzaitegiari
Bilboko eleizbarrutiko Bake eta Adiskidetzerako Batzordeak eta Langile Pastoraltzak dei bi egin ditu "Gazako genozidioaren aurka" urriaren 15erako deituta dagoan lanuzterako: erakundeak ez deiela greba egin daien langileei soldata kendu eta langileek egunari dagokion zenbateko hori Caritas Internationalis erakundeak bideratuko dauan Lurralde Santuko herritarrei laguntzeko funtsera zuzendu daiela.
Asteburuko barriak
Milaka fededun hurreratu zan bariku eta zapatuz Begoñako basilikara, Amatxuren eguna ospatzera. Gainera, zapatuz Sor Monicah de la Preciosísima Sangre de Jesús klausurako monja domingotarraren profesa nagusia ospatu zan Lekeition, eta iparraldeko misino-topaketa Donostian, Misinoetarako Gazteiz, Donostia, Iruña, Errioxa eta Bilboko ordezkaritzetako kideak bertan zirala. Gainera, zapatuz, Santurtzi PBko pastoral kurtsoaren hasiera eta bialketarako ospakizuna egin eben Maria Eleizaren Ama parrokian.
Sor Maria Troncatti altarara goratzeak poza dakar Barakaldora
Urriaren 19an, Leon XIV.a aita santuak altarara goratuko dau Sor Maria Troncatti. Egun berezia izango da Maria Laguntzailearen Alabak (salestarrak) alkartearentzat. Barakaldon 80 urte inguru daroiezan Maria Laguntzailearen Alabak salertar ordenako alkartearentzat "egundoko grazia" da gertaera hau eta Foruen etorbidean hasi eta gaur egun Zuazoko Begoñako Andra Mari ikastetxean jarraitzen dauan heziketa eta pastoral lanaren onespena.
Asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Begoñako Amatxuren eguneko Meza Nagusiaren zuzeneko emonaldia
On Joseba Segura Bilboko gotzaina izango da buru gaur eguerdiko 12:00etan Begoñako basilikan ospatuko dan Meza Nagusian eta web honen bidez zuzenean jarraitu ahal izango da.
Begoñako Andra Mariaren ereserki 'bikotxaren' partitura
Begoñako Andra Mariaren jai kanonikoa ospatzen dogun egunean, 1900eko partitura bitxia dakargu gogora. Letra eta musika desbardinak ditu euskerazko eta gaztelaniazko bertsinorako. 1900ean gertatu zan Begoñako Andra Mariaren koroatze kanonikorako konposatutako eresergiaren jatorrizko partitura da eta Bizkaiko Eleizaren Historia Artxiboan gordeta dago. Gaur egun be harritu egiten gaitu agiri berezi honek, gorputz berean bertsino bi dituan ereserkia jasoten daualako.
`Kultur kontaketa barriak´, Bilboko Eleizbarrutiak bultzatutako ekimena
Kultur Erakundeen Bilboko eleizbarrutiko Mahaiaren eskutik ekitaldi berezia izango da datorren azaroaren 5ean, "Arimadun irudiak: kultur kontaketa barriak" goiburuaren harira. Solasaldi hau gura daben guztientzat irekita egongo da eta gure sasoiko kultur kontaketak zelan eratzen diran aztertuko da. EITBren Multibox aretoan izango da eguerdiko 12:00etan, Lara Izagirre zinema-zuzendaraiak, Miguel Zugaza Bilboko Arte Ederren Museoko zuzendariak eta Xabier Paya bertsolariak eta kultur kudeatzaileak esku-hartuko dabelarik. Ezinbestekoa da aurretik izena emotea.
Migrazinoetarako Gotzainen Batzarreko zuzendaria Bilbon izango da martitzenez
"Alkarte abegitsu eta misiolariak sortu" goiburuaren haritik jardungo dau Fernando Redondo Migrazinoetarako Gotzainen Batzarreko saileko zuzendariak datorren martitenez, urriak 14. Saioa Barriako (plaza Barria, 4) lehenengo solairuko aretoan izango da, 18:30etan, Karidade eta Zuzentasunerako Migrazinoetarako sailak sustatuta.
Bisita Zeanuriko Eleizondoko monumentu erlijiosoen multzora
Ondarearen Europako Jardunaldiak dirala-eta, oraindik aukera dagu gure lurraldeko askotariko eraikinak bisitatzeko. Oraingoan, Arratia bailaran da hitzordua, hain zuzen be Zeanurin, non monumentu erlijiosoen multzo bikaina dagoan. Datorren zapatuz, urriak 11, izango da bisita, 11:00etatik 12:00etara, gura dauanarentzat.