Vatikanoak 2012an egindako kontzesinoaren ondoren, garagarrilaren 4an, Berrio-Otxoako San Balendin jai liturgikoa ospatzen da Eleizbarrutian. Horrek esan gura dau mezan Aintza abesten edo errezetan dala eta Santuaren otoitzak eta irakurketak dagozala.
Elorrioko Sortzez Garbiaren eleizak, euskal eleiza zutabedunaren erakusle onenetako batek, ehundaka fededun hartuko dauz datorren zapatuan.
Domingotarren monastegia
Berriotxokoa San Balendin, Elorrioko Ama Domingotarren monasterioko akolito izan zan.
Aurreko urteetan legez, Joseba Segura gotzainak Domingotarrak bisitatuko ditu, Meza Nagusiaren aurretik.
Bidaia Vietnamera
Abuztuan, Joseba Segura gotzaina Vietnamera joan zan, San Valentin Berriotxoa martirizau eben lurraldera. Horren arrazoia Hai Phòng-eko eleizbarrutiari santuaren erlikia bat emotea izan zan. Bisita hartan, Bizkaiko Elizak Vietnamgo martirien mihise baten bi erreplika be eroan ebazan, tartean San Balendin bera. Jatorrizkoa, Elorrioko Domingotarren eleizan ikus daiteke.
