Irailetik aurrera Gotzain Kontseilua barritzen da, bikario barri batzuen sarreragaz. Barrikuntzetako bat da emakumezko ordezkari bat egongo dala V. bikaritzako pastoral koordinazinorako.
Bilboko eleizbarrutiak gabonilan jarri eban martxan lurraldeko bikarioen eta bikario orokorraren karguak barritzeko kontsulta-prozesua. Prozesu hori amaitu ondoren, hau da irailean formalki eratuko dan Gotzain Kontseilu zabal barria.
Izenak eta ardurak
Kerman López Campo. Bikario nagusi gisa hautatu eben barriro, eta kargu hori dau 2021etik.
Sergio Buiza Alcorta. I. eta II. bikaritzetako lurralde-bikario gisa hautatu eben barriro. Buiza, gainera, Meatzaldeko PBko Abade Taldeko moderatzailea da. Karidade eta Justizia Ordezkaritzako kide be bada, eta lehentasunezko dedikazinoa dau askotariko gaitasunak dabezan pertsonei arreta emoteko. Gainera, Pertsona Gor eta Gor-itsuentzako Pastoral Zerbitzuaren eleizbarrutiko arduraduna da. Era berean, FRATER, Urritasuna daukien personen kristinau fraternidadea eta Meatzaldea Pastoral Barrutiko Sal y Luz komunidadeko kontsiliarioa da.
Fernando Marcos Ayjon. III. eta VII. bikaritzetako lurralde-bikario gisa hautatu eben barriro. Marcos Ayjón Xabierko San Frantzisko parrokietako parrokoa be bada. Gainera, Bilboko Abandoko San Bizente Martiriaren parrokoa be bai.
Carlos Olabarri Etxebarria IV. bikaritzako lurraldeko bikario izango da. Olabarri, gaur egun, Arratia Pastoral Barrutiko moderatzailea da. Espetxe kalonjea da, ministerio ordenaurako Idazkaritzako zuzendaria eta abade etxeko zuzendaria be bada. Era berean, Elizbarrutiko Seminarioko prestakuntza taldeko kidea da.
Borja Uriarte Corral VI. bikaritzako lurraldeko bikario izango da. Areeta-Romo Pastoral Barrutiko Abade Taldeko kidea da Uriarte. Elizbarrutiko Seminarioko zuzendari espirituala be bada.
Jose Agustin Maiz Alcorta bikarioa V. Maiz Lekeitio, Mendexa, Amoroto, Ispaster eta Gizaburuagako erretorea da. IV. eta V. bikaritzetako lurralde-bikario izan zan 2011 eta 2021 artean.
Inmaculada Loroño Ormaetxea. Gotzainak ordezkari izentauko dau V. bikaritzako pastoral koordinazinorako. Gaur egun, Loroño “ospatzailea” da Morgan, eta ministerio-taldeko kide da. Gainera, Gernikaldea Pastoral Barrutiko (PB) Pastoral Kontseilua osatzen du, Mendialdea inguruko “ospatzaileak” ordezkatuz.
