Zapatuz jaialdiari hasiera emongo deutson Ana Aguado organistak (Palencia 1984), Europa eta Asiako hainbat herrialdetan emoten ditu organo-kontzertuak, ziklo eta jaialdi entzutetsuetan (Musika Hamabostaldia, Antxinako musikaren inguruko jaialdia Bartzelonan, Santanderreko nazinoarteko jaialdia, Bach Vermut, Erlejino-musikaren astea Cuencan…) parte hartuz.
Organo-irakasle izan da Malagako Goi Kontserbatorioan eta Leoneko Kontserbatorio Profesionalean eta, gaur egun, irakasle-lanetan dihardu Palenciako Kontserbatorio Profesionalean.
Maiatzak 22, Jesus Gonzalo
Jaialdiko bigarren kontzertua jesuiten egoitzako eleizan ospatuko da, maiatzaren 22an, 20:00etan hasita. Jesus Gonzalok. (El Burgo de Osma, 1967) jardungo dau, “De Cabezón a Eslava. Una visión historicista de la música orgánica española” dalakoaren haritik.
Aditu entzutetsua da iberiar organoan eta bere errepertorioan (XV-XX gizaldiak) eta mila kontzertutik gora emon izan ditu mundu osoan. Gainera, “El órgano” irratsaioa zuzentzen dau Radio Clásica irratian eta organo historikoen konponketarako taldeetan erantzukizun-karguak ditu.
Rita Morais eta Xabier Urtasun
Rita Moraisek (ahotsa), Xabier Urtasun organoan dala, maiatzaren 24an jardungo dau, 20:00etan, Indautxuko Karmengo Ama eleizan.
Rita Moraisek 2023an egin eban debuta Gran Teatre del Liceu dalakoan, Monteverdiko «L’Incoronazione di Poppea» deritzanean, Jordi Savallen zuzendaritzapean.
Xabier Urtasun Iruritan (Nafarroa). Hainbat musika-tresnaren inguruko ikasketak egin eta Musikako Goi Titulua -Pedagogia espezialitatea- lortuta, hainbat alditako tekla-musikari buruzko jakin-mina biztu jakon. Klabezin-irakaslea da Ituñako Pablo Sarasate Kontserbatorioan eta Musikeneko pedagogia-sailean.
Organoa lau eskutara
Mikel Ansola eta Johannes Friederichek lau eskutara joko dabe organoa aurtengo jaialdiari amaiera emonez. Honako honeen piezak joko dabez: Wolfgang Amadeus Mozart, Robert Schumann, Jon Laukvik, Gustav Merkel, Louis Vierne, Jesús Guridi. Kontzertua maiatzaren 30ean izango da, Bilboko San Felicisimo eleizan, 20:00etan.
Mikel Ansola Markina-Xemeinen jaio zan 2000ean. Stuttgarteko Petruskircheko organista titular izan da. Gainera, Markina-Xemeinen egiten daneta aurton VII. ekitaldia ospatuko dauan ‘Musika Haizeak’ jaialdiaren koordinatzailea da.
Johannes Friederichek (Munich, 2000), organoa eta klabezina jotzen ditu eta zuzendari be bada. Eleiz-musika ikasi eban Hochschule für Musik und Theater München eta Staatliche Hochschule für Musik und Darstellende Kunst Stuttgart dalakoetan.
