Guztira, 56 kaseta jarri dabez azokan, Areatzako pasealekuan eta hamar egunez bisitatu daitekez. Argitaletxeen barritasunak, aurkezpenak eta ekitaldi literarioak izango dira, liburuak eta honeen egileak protagonista bihurtuz. Hauxe da ordutegia: 11:00etatik 14:00etara eta 17:00etatik 21:00etara.
Jakinbide liburu-dendak gai erlijiosoko azken barritasunak, euskeraz zein gaztelaniaz, eroan ditu azokarea.
Urrezko Luma Labayru Fundazinoko kide bati
Atzo, Xabier Kaltzakorta euskaltzain eta Lalbayru Fundazinoko kideak Urrezko Luma jaso eban.
Jabier Kaltzakorta Elortza Markinan jaio zan 1961ean. Filosofia eta Letrak ikasi ebazan Deustuko Unibertsitatean eta 1984an Euskal Filologian lizentziatu zan. 1994tik hasita Euskal FIlologiako irakasle da Deustuko Unibertsitatean, Ahozko literatura, XVI-XIX gizaldietako euskal literatuta eta Euskal hizkuntza eta hizkuntza modernoak irakasgaiak emonez. Aspalditik, euskal literatura herrikoiaren genero eta adierazleak ikertzen dihardu, batez be esaera zaharren, ipuinen, baladen, bertsoen… arloan arreta jarriz. Aditua da litueratura herrikoian eta paremiologian. Lexikografiari buruzko lanak be egin izan ditu.
Laguntzaile da Labayru Institutuan ikertzaile lez, Etniker Euskalerria taldeetako kide da eta baita beste batzukaz batera sortu zuen Mendebalde Kultura Alkartekoa be. Derioko Udako Ikastaroetan be irakasle-lanetan ibili zan eta euskaltzain da 2013tik.
Gaur goizean #Labayrukide den Jabier Kaltzakortak aurtengo Bilboko Liburu Azokaren #UrrezkoLuma jaso du.#LabayruFundazioa Bilboko Areatzan ospatu den ekitaldian izan da.
— Labayru Fundazioa (@labayrufundazio) June 2, 2025
Zorionak lagun! 💚@euskaltzaindia_
🟢 Azken berriak ezagutzeko👉 https://t.co/OfHJLkc1Yv pic.twitter.com/om8VNM85Xe
