Bezpera
2012 eta 2024 bitartean Eusko Jaurlaritzako lehendakari izan dan Iñigo Urkullu da 2025eko Begoñako Ohorezko Erromesa eta erromerian igoko da basilikaraino, bihar, Arriaga plazan 19:30etan atarata. Kalejira egingo da Alde Zaharrean, Mallonako galtzadetatik gora igoko dabe eta 20:45etan helduko dira Amatxuren etxera. Txistulariak, fanfarriak eta dantza-taldeak -esate baterako Erreka Ortu- joango dira erromesakaz batera. Ignacio Fernandez Begoñako parrokoa buru dala ospatuko dan Eukaristia 21:00etan hasiko da.
Pirotecnia Zaragozana etxeak botako dituan su artifizialekin amaituko dira eguneko jarduerak 22:00etan.
Eleizkizunen orduak:
Amatxuren egunez
Urriaren 11an, zapatuz, 11:00etan, Bilboko Udal bandaren kontzertua Juan XXIII.a plazan.
Eguerdiko 12:00etan, Meza Nagusia ospatuko da santutegian, On Joseba Segura Bilboko gotzaina buru dala eta zuzenean jarraitu ahal izango da web honen eta Telebilbao katearen bidez.
18:30etan, Elai Alai dantza-taldeak jardungo dau Joan XXIII.a plazan, basilikaren atzealdean.
Argi-zuzien prozesinoa
Iaz, lehenengo aldiz ospatu zan urriaren 11an, eta Begoñako kofradiak Begoñako Andra Mari Erromesaren argi-zuzien prozesinoa egingo dau aurton be. 16 kofradia-kidek eroango dabe lepoan Mallonako Kurutzea parrokiatik santutegiraino, 20:00etan abiatu eta 20:45 inguruan santutegira helduz. Bertan, Erreka Ortu dantza-taldeak dantza egingo dau 21:00ak jo aurretik.
Gaueko bederatzietako mezak emongo deutso amaiera egunari. Basurtuko Beti Jai Alai taldeak ezpatadantza dantzatuko dau Amatxuren omenez.
