Barriak
Etiquetado como: Begoña
Asteburuko barriak
Milaka fededun hurreratu zan bariku eta zapatuz Begoñako basilikara, Amatxuren eguna ospatzera. Gainera, zapatuz Sor Monicah de la Preciosísima Sangre de Jesús klausurako monja domingotarraren profesa nagusia ospatu zan Lekeition, eta iparraldeko misino-topaketa Donostian, Misinoetarako Gazteiz, Donostia, Iruña, Errioxa eta Bilboko ordezkaritzetako kideak bertan zirala. …
Begoñako Amatxuren eguneko Meza Nagusiaren zuzeneko emonaldia
On Joseba Segura Bilboko gotzaina izango da buru gaur eguerdiko 12:00etan Begoñako basilikan ospatuko dan Meza Nagusian eta web honen bidez zuzenean jarraitu ahal izango da.
Amatxuk milaka lagun batuko dau Begoñan
Datorren zapatuz, urriak 11, Begoñako Andra Mariaren eguna osapatuko da eta basilikaren ingurua prest dago ohituraz betetako egun hori ospatzera hurreratu gura daben guztiak hartzeko. Ekitaldiak bihar -barikua- hasiko dira erromeriaren igoeragaz. Arriaga antzokian atarako da 19:30etan basilikara iristeko eta hemen Eukaristia ospatuko da 21:00etan.
Iñigo Urkullu 2025eko Ohorezko Erromesa: "Kristau naz eta harrotasunez
Begoñako Andra Mari kofradiak aurtengo Ohorezko Erromesa aurkeztu dau jentaurrean: Iñigo Urkullu lehendakaria. Kofradiak, bere ibilbide eta arduragaitik eta Begoñako Andra Mariaganako jaieragaitik nabarmendu dan norbaiti autormena egiteko izendatzen dau Ohorezko Erromes dalako pertsona hori.
Athleticeko hildakoak gogoan eta esker ona Amatxuri
1930eko ekainaren 22an, Athleticeko familia Begoñara joan zan lehenengo garaipen bikotxa eskertzera. Harrezkero., urtero joaten dira Amatxurenagana Aste Nagusiaren egunen baten. Hildako bazkideak gogoan izateaz gain, baloia eta kamisetea eskaintzen jakoz Ama Birjineari, eskerrak emotenaz.
Hiru iturri gehiago jarri dabez Begoñako basilikaren inguruetan
Bilboko udalak hiru iturri gehiago jarri dauz Begoñako basilikaren inguruetan gaur bero handia egingo dauala-ta. Euren arteko bi Begoñako kofradiak jarrita daukan karparen ondoan dagoz. Hirugarrena, Juan XXIII plazan. Gaur milazak izango dira Bizkaiko zaindariari bisitea egingo deutsienak. Eleizea zabalik egongo da gau osoan, Begoñako Kofradiak zainduta. Meza Nagusia, …
Ehunka lagun batu da BizkaiBira ibilaldiaren hasierako ekitaldian
HIrurehun lagun inguru batu da Begoñako basilikan BIzkaiBIra ibilaldiko lehenengo etapari hasiera emoteko ekitaldian. 19 egunez egingo da amaitu be Bilbon amaituko dan esperientzia espiritual eta kultural hau. Gotzaina izan da buru Amatxuren oinetan ospatu dan bialketa-otoitzean. Otoitzaldia amaitzeaz batera, ibiltariek ibilbideari ekin deutse eta 13 kilometro egin ondoren, …
Abadeen ospakizuneko argazkiak
Urrezko eta Zidarrezko Ezkontza-ezteguak barikuz, Begoñan
Datorren barikuz, maiatzak 30, senar-emazteek euren Urrezko eta Zidarrezko Ezteguak ospatuko dabez Begoñako basilikan. On Joseba Segura gotzaina buru dala ospatuko da Eukaristia, arratsaldeko seiretan.
"Aba Taano" gospel-boskoteak Begoña eta Galdakaon jardungo dau
Datorren zapatuz, eleizbarrutiak egun garrantzitsua bizi izango dau, bere 75. urteurreneko ekitaldi nagusia ospatuko dau-eta. BECen ospatuko dan “Eleizea Plazara” ekitaldian milaka lagun batuko da goizeko bederatzietatik arratsaldeko bostetara. Arratsaldeko jarduerei jarraipena emon gura deutsanak, Aba Taano Ugandako taldeak Galdakaoko Andra Mariaren Zeruratzea parrokian …
Astekoak, asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Afrika, Eleiz Museoan
"Afrikar kultura, ohiturak eta erlejinoak" goiburuaren harira, herrialde honi eskainitako eguna ospatuko da gaur Eleiz Museoan eta inguruetan. Berbaldia eskeiniko da goizeko 11:00etan eta 18:00ak arte zabalik egongo da Afrikako gauzen erakusketa. Gainera, Gizakunde plazan, Afrikako artisau-lanen azoka zabalik izango da egun osoan.
Barakaldo PBak batzar nagusia ospatuko dau zapatuz
Itxaropenaren Andra Maria parrokian ospatuko da bihar -azaroak 15, zapatua- Barakaldo Pastoral Barrutiaren (PB) urteko batzar nagusia.
"Bizkaiko hotsak" organo-jaialdia, Plentzian eta Mañarian
"Diego Amezua" Organoaren Adiskideen Bizkaiko Alkarteak antolatzen duan "Bizkaiko hotsak" organo-jaialdiaren barruan, kontzertua ospatuko da gaur arratsaldeko 19:00etan, Pentziako Andra Maria Magdalena eleizan, Luken Munguira (tenorea) eta Jose Luis Echechipia (organoa) protagonista dirala. Bihar, Jorge Garcia organistak jardungo dau Mañariako Andra Mari eleizan, 19:00etan. Ekitaldi honetako egitaraua osorik: hemen.
Eleizbarrutiak ekin deutso bikario-karguak barritzeko prozesuari
Bilboko eleizbarrutiak Lurralde Bikarioen karguak barritzeko azterraldiari ekingo deutso datorren abenduan, euren bost urteko agintaldia amaitzear dalako. Era berean, Bikario Nagusiaren kargua be ebaluatu egingo da. Lurraldeetako bikario-karguak barritu beharra dagoala-eta, zenbat aukeratuko diran aztertu da aurretik eta, azkenean, azterraldiaren emaitzak ikusita, Gotzain Kontseiluak erabakia hartu dau: I. eta II. Bikaritzak bakarrean batzea berretsi eta, ondorioz, bertan bikario bakarra izatea eta IV. eta V. bikaritzek bikario banagaz jarraitu dagiela.
Heziketa-saioa Vida ascendente / Bizian gora mobimentuan
"Vida ascendente / Bizian gora" mobimentuak, kideen etenbako heziketaren garrantziaz jabetuta, Sakramentuen gaia lantzen dihardu. Atzo -eguaztena-, eleizbarrutiko hainbat lekutako kideak Barrian batu ziran adiskidetzearen inguruko saioan parte hartzeko. Felix Alonso eleizbarrutiko abadeak gidatu eban saioa.
Ongintzazko kontzertua "Lagun Artean"en alde San Felicisimo eleizan
Datorren zapatuz, azaroak 15, Gorka Sierrak zuzendutako Brahms koralak ongintzazko kontzertua eskainiko dau Lagun Artean alkartearen alde. Kontzertu koral hau Bilboko San Felicisimo eleizan ospatuko da, Miriam Cepeda organista organuan dala.
Eleizbarrutian, zauriak autortzeko eta itxaropena ereiteko eguna
Bilboko eleizbarrutiko III. eta VII. bikaritzetatik deialdia egin deutse alkarte osoari datorren zapatuz, azaroak 15, Gizarte Jubileuaren jardunaldi berezian parte hartzeko. Ekitaldian, gure inguruko premina nagusiak ezagutzeko, horreen inguruan gogoeta egiteko eta horreei aurre egiteko konpromisoa hartzeko aukera izango da. Bizkaiko parrokia guztietan domekaz gogoratuko dan Pobreen Munduko Egunaren aurrerapena izango da.
Begoñazpi ikastolak hiru pertsona eredugarri sarituko ditu
Bilboko Begoñazpi ikastolak gizarte konpromisoa eta ekintzailetza autortzeko emoten dauan Gazte Role Model saria honako honeei emongo deutsie XVI. ekitaldi honetan:Zamudioko CIC bioGUNEN ikertzaile diran Maria Vivanco biokimikoari eta Arkaitz Carracedo biologoari eta Jose Maria Galindez ingeniari, ekintzaile eta Beraunberri taldeko presidenteari. Ekitaldia, Bilboko gotzaina buru dala, gaur arratsaldeko 18:30etan izango da EBI eleizbarrutiko ikastetxeen sarean dagoan Begoñazpi ikastolan.
Bilboko eleizbarrutiaren sorreraren 75. urteurrenaren amaiera
Joan dan domekaz, eleizbarrutiaren 75. urteurrenaren amaierako Eukaristia ospatu zan Bilboko Santiago katedralean. On Joseba Segura gotzaina buru eta On Ricardo Blazquez kardinala alkar-meza emoten zala ospatutako eleizkizunean fededun asko batu zan eta mezu argia zabaldu zan: Eleizak aurrera begiratu behar dau oroimin barik, itxaropenez eta konpromisoz. Hona hemen Alberto Sanz argazkilariak ataratako argazkiak.