Maiatzaren 23an, Amatxuren etxean egingo dan eleizkizuna, otoitzaldia izango da eta zati bi izango ditu. Lehenengoan, fededunek euren fedezko lekukotasunak emongo dabez. Bigarrenean, Altxatu begirada Aita Santuaren bisitaldiaren goiburuan oinarrituta, dei egingo jake bertaratutakoei euren begirada lau errealitatetara altxatu dagien: Mariarengana, Kurutzera, Eukaristiara eta Aita Santuarengana. Testuinguru honetan, otoitzaldiak sen sinboliko sakona izango dau.
Zapatu honetan otoitz bijilia Aita Santuaren bisiteagaitik. #batera
— @DiocesisBilbao (@DiocesisBilbao) May 18, 2026
Invitación a la vigilia de oración por la visita del papa. El sábado 23 de mayo. @Pontifex #Begoña pic.twitter.com/rQQkTqYUDv
Honako honegaz batera, eleizbarrutiak Madrilerako bidaia be antolatu dau, bizkaitar gazteei ekainaren 6an Aita Santua buru dala ospatuko dan otoitzaldian parte hartzeko aukera emonez.
Lehendakariaren mezua kristau alkarteari
Leon XIV.a aita santuak esandako berbek be biztu dabe gertaera honen inguruko interesa. Imanol Pradales Lehendakariak Euskal Herriko kristau alkarteei zuzendu deutsen gutun irekian jasotzen danez, Aita Santuak ezagutzen dau Bizkaia aurretik hona egin dituan bisitetatik eta lotura berezia dauka gure lurraldeagaz.
Euskadira etortzeko gonbitea
Lehendakariak Euskadira etortzeko gonbidapen ofiziala egin eutson Aita Santuari, datozan egunetan egingo dauan bidaian ezin izan dabe-eta Euskadi bisitaldian sartu.
Eskeintza honen harira, Bilboko gotzainak Radio Euskadin eskeini barri dauan alkarrizketan adierazo dauanez, gatxa izango da Aita Santua dagorren urtean Gernikara etortzea, eskari asko izanda, orekaz erantzuten saiatu behar dagualako.
El obispo de Bilbao sobre la invitación del Lehendakari a visitar Gernika. @radioeuskadi pic.twitter.com/kahxArhTMS
— @DiocesisBilbao (@DiocesisBilbao) May 14, 2026
Otoitz-katea: BIlbao, maiatzak 31
Aita Santuaren bisitaldirako prestaketa espirituala bera buru dala izango diran jardueretatik harago doa. Familia eta Bizirako Espainiako Gotzainen Batzarrak otoitz-katea antolatu da eleizbarrutiz eleizbarruti egiteko. Mapa interaktiboaren bidez jakingo dabe familiek ze egun izendatu jakon eleizbarruti bakotxari eta zein lekutan egingo dan otoitzaldi hori. Lagungarriak be prestatu dira, jatsi eta etxean zein alkartean erabiltzeko.
Bilboko eleizbarrutiaren txanda maiatzaren 31an da. Aparteko aukera izango da eleizbarruti lez alkartu eta aita santuaren etorrerarako prestaketa espirituala egiteko.
Eleizbarrutitik dei egin jake familiei web orrialde honetan bertan eskuragarri izango diran lagungarriak erabili dagiezan. “Para rezar en familia / Familian otoitz egiteko”.
