Barriak
Etiquetado como: Begoña
Gabonetako kontzertua Begoñan, udako suteek eragindako biktimen alde
Datorren zapatuz, abenduak 13, sortu barri dan Koral Brahms taldeak jardungo dau, Gorka Sierra zuzendari dala, Begoñako santutegian. Gabonetako kontzertu berezia izango da eta John Rutterren "Aintza" interpretatuko dau. Begoñako kofradiak antolatutako ekitaldi berezi honetan batu daiten dirua Caritasen esku itziko da joan dan udan Leonen eta Ourensen gertatu ziran sute …
Ministerio Ordenatuak erretiroa ospatuko dau bihar Javi Garcia abadeak gidatuta
Eleizbarrutiko Ministerio Ordenatuak erretiroa egingo dau bihar -abenduak 11, eguena-, 10:00etatik 13:00era, Begoñako gogarte etxean. Javi Garcia eleizbarrutiko abadeak gidatuko dau erretiroa gai honen inguruan: "Itxaron, haragitu eta onartutako Jainkoa. Gugaz bat egin gura dauan Jainkoa".
Asteburuko barriak
Milaka fededun hurreratu zan bariku eta zapatuz Begoñako basilikara, Amatxuren eguna ospatzera. Gainera, zapatuz Sor Monicah de la Preciosísima Sangre de Jesús klausurako monja domingotarraren profesa nagusia ospatu zan Lekeition, eta iparraldeko misino-topaketa Donostian, Misinoetarako Gazteiz, Donostia, Iruña, Errioxa eta Bilboko ordezkaritzetako kideak bertan zirala. …
Begoñako Amatxuren eguneko Meza Nagusiaren zuzeneko emonaldia
On Joseba Segura Bilboko gotzaina izango da buru gaur eguerdiko 12:00etan Begoñako basilikan ospatuko dan Meza Nagusian eta web honen bidez zuzenean jarraitu ahal izango da.
Amatxuk milaka lagun batuko dau Begoñan
Datorren zapatuz, urriak 11, Begoñako Andra Mariaren eguna osapatuko da eta basilikaren ingurua prest dago ohituraz betetako egun hori ospatzera hurreratu gura daben guztiak hartzeko. Ekitaldiak bihar -barikua- hasiko dira erromeriaren igoeragaz. Arriaga antzokian atarako da 19:30etan basilikara iristeko eta hemen Eukaristia ospatuko da 21:00etan.
Iñigo Urkullu 2025eko Ohorezko Erromesa: "Kristau naz eta harrotasunez
Begoñako Andra Mari kofradiak aurtengo Ohorezko Erromesa aurkeztu dau jentaurrean: Iñigo Urkullu lehendakaria. Kofradiak, bere ibilbide eta arduragaitik eta Begoñako Andra Mariaganako jaieragaitik nabarmendu dan norbaiti autormena egiteko izendatzen dau Ohorezko Erromes dalako pertsona hori.
Athleticeko hildakoak gogoan eta esker ona Amatxuri
1930eko ekainaren 22an, Athleticeko familia Begoñara joan zan lehenengo garaipen bikotxa eskertzera. Harrezkero., urtero joaten dira Amatxurenagana Aste Nagusiaren egunen baten. Hildako bazkideak gogoan izateaz gain, baloia eta kamisetea eskaintzen jakoz Ama Birjineari, eskerrak emotenaz.
Hiru iturri gehiago jarri dabez Begoñako basilikaren inguruetan
Bilboko udalak hiru iturri gehiago jarri dauz Begoñako basilikaren inguruetan gaur bero handia egingo dauala-ta. Euren arteko bi Begoñako kofradiak jarrita daukan karparen ondoan dagoz. Hirugarrena, Juan XXIII plazan. Gaur milazak izango dira Bizkaiko zaindariari bisitea egingo deutsienak. Eleizea zabalik egongo da gau osoan, Begoñako Kofradiak zainduta. Meza Nagusia, …
Ehunka lagun batu da BizkaiBira ibilaldiaren hasierako ekitaldian
HIrurehun lagun inguru batu da Begoñako basilikan BIzkaiBIra ibilaldiko lehenengo etapari hasiera emoteko ekitaldian. 19 egunez egingo da amaitu be Bilbon amaituko dan esperientzia espiritual eta kultural hau. Gotzaina izan da buru Amatxuren oinetan ospatu dan bialketa-otoitzean. Otoitzaldia amaitzeaz batera, ibiltariek ibilbideari ekin deutse eta 13 kilometro egin ondoren, …
Abadeen ospakizuneko argazkiak
Bisita gidatuak Galdakaoko Andra Mari eleizara, hilaren azken domekaz
Azaroaren 30etik hasita, bost bisita dagoz progamatuta Galdakaoko Andra Mari eleizara, "herriko ondareko harribitxietako batera", udalak eta Andra Mari eleizak antolatuta. Ekainera arte izango dira, hilaren azken domekaz, 11:00etan -hurrengoa, datorren domekaz, hilak 28-. Doakoak dira eta ezinbestekoa da izena emotea. Nahikoa da eleizara joan eta jardueraz gozatzea.
"Berotasun eta ilusinoz betetako giroa", gabon-kanten jaialdian, Ermuan
Atzo, gabon-kanten jaialdi hunkigarria ospatu zan Ermuko Santiago Apostolua parrokian. Deikundea eta Mariaren "baietza" oinarritzat hartuta, Gabonetarako bidean beste urrats bat emon zan. Gainera, Bilboko Eleizbarrutiko Seminarioak be esku-hartu eban ekitaldian eta alkarteari banatu jakon azken bedeinkapenean, jardueraren bokazino eta eleiz alderdia nabarmenduz.
Gabon egunez, otoitzaldia Urkiolan
Urkiolako alkarteak Gabon egunez, abenduak 24, arratsaldeko bostetan egingo dan otoitzaldian parte hartzera deitzen gaitu. "Salbatzailearen zain!" goiburuaren harira ospatuko da Gabon eguneko ekitaldia. Parte hartu gura daben bizkaitar, arabar eta gipuzkoar guztientzat da deia.
Gabon-aldiko otoitzaldia, bihar, Arrupe Etxean
Bihar, Gabon gauaren bezpera, otoitzaldia ospatuko da Arrupe Etxeko kaperan (Aita Lojendio, 2. Bilbao), 19:00etatik 21:00etara, Karidade eta Zuzentasunerako Ordezkaritzako Migrazinoetarako sailak eta Loiola zentroak antolatuta.
Gabon-aldian, Argia eta ospakizunak
Bariku arratsaldez egin jakon harrera "Belengo Bakearen Argiari" Euskalerriko Eskautak Bizkaia mobimentuak antolatu eban eta On Joseba segura gotzaina buru zala ospatu zan ekitaldian. Asteburuan, argi hori eleizbarruti osoan banatu da eta Gabon-aldiko beste hainbat jarduera be izan da han eta hemen.
Gabon-aldiko hainbat eleizkizunen zuzeneko emonaldia
Gabonetako eleizkizunetan ahalik eta jente gehien parte hartu dagian, On Joseba Segura buru dala ospatuko dan zenbait eleizkizun zuzenean emongo dira web honen bidez:
Gabon aurreko astekoak
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen.
Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Asteburuan, Caritasen Gabonetako kanpaina
“NaVIDAd en COMUNidad. Bizi batera” goiburuaren haritik ospatuko da Caritasen Gabonetako aurtengo kanpaina. Elena Unzueta, Caritas Bizkaia erakundeko zuzendariak kanpainarako idatzi dauan gutunean nabarmendu dauanez, "askotan gure familietan edo hurbileneko pertsonetan bakarrik pentsatzen dugun Eguberri garai honetan, "jaiotzera datorren haur honetan" bazterketa- eta kalteberatasun-egoeran dauden
pertsona guztiak, arrotz gerta dakizkigukeen baina, berak bezala, pobrezia pairatzen duten
pertsonak, aitortzera gonbidatzen gaituzte". Kanpainaren inguruan gehiago jakiteko eta lagungarriak …
"Falta dana ipini", dinosku Bilboko gotzainak Gabonetako zorion-mezuan
Gabonetako zorion-agurrean, Biboko gotzaina keinu bakun eta esanguratsuaz baliatu da: jaiotza falta dan piezaz, Ume Jesus bera jarriz, osotu.Bideo-mezuan, gotzainak Umearen irudia jarri dau aska hutsean; koloretako erropez jantzita dago, kultur aniztasuna eta abegia irudikatuz. "Ez dagigun erakusleihoen atzean bilatu", dinosku gotzainak, izan be, "beste munduko argiaz dator hau sutzeko".
Alkartasunezko kontzertua "aitzur bat Afrikarako" kanpainaren alde, San Bizente eleizan
Abokatutzaren Bizkaiko Kolegio Itzaltsuaren Abesbatzak alkartasunezko kontzertua eskainiko dau datorren astelehenez, abenduak 22, 19:30etan, Bilboko Abandoko San Bizente Martiria parrokian, Sarrera, doan da eta "aitzur bat Afrikarako" kanpainari lagundu gura deutsenek urteeran egin ahal izango dabe.