Barriak
Etiquetado como: Begoña
Gotzain Kontseiluak kurtsoari hasiera emon deutso
Gaur -martitzena-, gotzaina buru dala, Eleizbarrutiaren gobernuan esku-hartzen dauan Bilboko Eleizbarrutiko Gotzain Kontseilu zabalak kurtsoko lehenengo batzarra ospatzen dihardu. Kurtso barriari begira eskuartean dabezan gai nabarmenak aztertuko dabez, besteak beste, Eleizbarrutiaren 75. urteurrenaren ingurukoak. Derion, irailaren 28an ospatuko dan 'Goazen 2024' ekitaldian …
Urpeko Amabirjinaren tronurazearen urteurrena Gaztelugatxen
Datorren domekaz, irailak 15, Begoñako Andra Mariaren irudia Gaztelugatxeko San Juan inguruko uretan tronuratu ebeneko 61. urteurrena beteko da. Urperatutako eskultura, Begoñako Andra Mariaren irudiaren kopia da. Domekan bertan, goizeko 11:00etan atarako da hainbat ontzi Bermeoko portutik Gaztelugatxeko San Joan badiarantz eta eguerdiko 12:00etan Eukaristia ospatuko da …
Athleticek Kopa eskaini deutso Bizkaiko zaindariari
Talde zuri-gorriko neskek eta mutilek, Jon Uriarte presidenteak, Jose Angel Iribarrek eta Zuzendaritza-batzordeko ordezkariek bisita egin eutsen atzo Begoñako Amatxuri. 1930ean hasitako ohiturari jarraipena emonez, lore-eskaintza egin eben Amabirjinaren aurrean, lortutakoak eskertzeko eta hildako athleticzaleen alde eskatzeko.
Ez dago txartelik Begoñako Kofradiak antolatutako itsas prozesinorako
Abuztuaren 14an, itsas prozesinoaren IV. ekitaldian, Begoñako Andra Mari erromesa eroango dauan itsasontziaz gainera, beste hiru itsasontzi joango dira eta ez ohiko biak. Javiera Diago Begoñako Kofradiako presidenteak goizean izan dan agerraldian adierazo dauanez, eskainitako 240 lekuak bete egin dira eta "datorren urteko prozesinorako bosgarren itsasontzi bat pleitatzeko …
Begoñako Amatxu eta Umea, bederatziurrenerako apainduta
Atzo, XVI. gizaldiaren hasieratik beteten dan ohikunea burutu zan Begoñako basilikan. Mariaren Zeruratzearen eguna baino bederatzi egun aurretik, soingaineko zuriaz apaindu ebezan Amatxu eta Jesus Umea. Astelehenetik barikura 11:00 eta 19:00etan, eta domeka eta jaiegunez 10:00, 12:00, 13:00 eta 19:00etan, eguneroko mezetan ospatuko dan bederatziurrenak Bilbon eta Bizkaian oso …
Begoñako Amatxuren itsas-erromesaldia abuztuaren 14an
Laugarren aldiz antolatu da Santurtzitik Bilborainoko itsas erromesaldia Begoñako Amatxuren irudi bat ontzian doala. Oraingo honetan gotzaina barik Miguel Vera abadea joango da ekitaldi buru.
Bizkaiko itsu katolikoen kurtso amaierako ekitaldia
Atzo -ekainak 17, astelehena- Bilboko Eleizbarrutiko CECO alkarteko (itsu katolikoak) kideak Begoñako Gogarte Etxean alkartu ziran kurtso amaierako ekitaldia ospatzeko.
Ezkontzen Urre eta Zidarrezko Ezteguen ospakizunaren zuzeneko emonaldia
Begoñako basilikan ospatuko dira gaur arratsaldez ezkontzen Urrezko eta Zidarrezko Eztegurak. Eukaristia.
Barikuz, ezkontza-urteurrenak
Datorren barikuz, maiatzak 31, Eznontzaren Urrezko eta Zidarrezko Ezteguen ospakizuna egingo da Begoñako basilikan, 18:00etan, On Joseba Segura gotzaina buru dala. Eleizkizuna zuzenean jarraitu ahal izango da hemen..
Abadegintzen urteurreneko argazkiak
Atzo -maiatzak 23, eguena-, hainbat abade eta frailek euren ordenazinoaren urteurrena ospatu eben Begoñako basilikan, hain zuzen be, Titanio (75 urte), Platino (70 urte), Diamante (60 urte) eta Zidarrezko Ezteguak.
Eleizbarrutiak 75. urteurrenaren azkena, deutso denporaren kapsulagaz amaierako mezan
Datorren domekaz, azaroak 9, hain zuzen be Eleizbarrutiaren Egunez, ospakizunei amaiera bikaina emongo jake, arratsaldeko zazpietan Santiago katedralean ospatuko dan Eukaristiagaz. On Joseba Segura gotzaina izango da buru eleizkizunean eta bertan izango da 1995etik 2010era Bilboko gotzain izan zan On Ricardo Blazquez kardinala. Katedraleko musika-kaperak girotuko dau liturgia eta azkenean ekitaldi sinbolikoa egingo da: gaur egungo gauzakiak sartuko dira kutxa baten eta hau zigiluz itxita geratuko da 2050ean zabaldu arte.
ICARO, 15 urte Bizkaiko historia herritarrei ezagutzera emoten
Bizkaiko Eleizaren Historia Artxiboak ICARO zentroaren hamabosgarren urteurrena ospatzen dau gaur. 2010ean martxan jarrita, zabalkunderako zentro honek agiri-ondarea ulertzeko eta eskuratzeko era goitik behera aldatu dau. Oroimena zaintzeko egitasmo lez hasi zana eremu dinamiko bihurtu da eta bertan historiak bizia hartzen dau.
Eguenez, Bilbon, bidezko merkataritzaren eguna
"Eskubideak landuz: Feminismoa eta zuzentasuna mahai globalean" goiburuaren haritik ospatuko da bidezko merkataritzaren jardunaldien II. ekitaldia bihar -azaroak 6, eguena-, Comercio Justo/Bidezko Sarea/Bizkaiko Merkataritza dalakoak antolatuta. Hurtado de Amezaga kalea, 27-2an izango da, Bilboko udalaren laguntzagaz. Arduradunen esanetan, "ideiak, esperientziak eta borrokak batera jarteko eguna izango da, feminismoak eta elikadura-zuzentasunak ekoizteko, kontsumitzeko eta munduagazko hartu-emonerako erak aldatu egin daikiezala agertzeko".
Kulturaren Bilboko eleizbarrutiko Oroitza-txostenaren jentaurreko aurkezpena
Datorren eguaztenez, azaroak 5, "Arimadun irudiak: kultur kontaketa barriak" ekitaldia ospatuko da Kultur Erakundeen Bilboko eleizbarrutiko Mahaiaren eskutik. Solasgune honetan batuko dira Lara Izagirre zinemagilea. Miguel Zugazaga Bilboko Arte Ederren Museoko zuzendaria eta Xabier Paya kultur kudeatzaile eta bertsolaria. Erakundeetako hainbat ordezkarik parte hartuko dau Kulturaren Oroitzapen-txostenaren aurkezpenaren haritik ospatuko dan ekitaldian, esate baterako, Ana Otaduik (Bizkaiko Batzar Nagusietako presidentea). Leixuri Arrizabalagak (Euskera, Kultura eta Kiroletarako foru …
Bizkaiko arkitektura-planorik zaharenak aurkitu dira
Bizkaiko, eta seguruenik Euskal Herriko arkitektura-planirik zaharrenak aurkitu dabez Zeberioko Olabarrietako Santo Tomas eleizan. Horixe emon dabe aditzera Eleiz Museotik Alkarren Barri aldizkariaren azaroko alerako idatzitako artikuluan. Bilboko eleizbarrutiko monumentuen katalogoan jasoten dan aurkikuntzetako bat da. Museoko talde batek altara-inguruko gela bateko horma baten marraztuta aurkitu ebazan planook. Ganga baten planoak dira, orain dala 450 urte egindakoak.
Aurkikuntza bat Alkarren Barri aldizkariaren azalean
Eleiz Museoko taldeak oraintsu Sopuertako eleiza baten hondakinen artean aurkitu dauan Jose Larrea eskultorearen irudia ikusi daiteke Alkarren Barri aldizkariaren azaroko alearen azalean. Hain zuen be, alkarrizketen sailean, Raquel Cilla Eleiz Museoko zuzendari barriari eta bere aurretik kargu horretan izan dan Juan Manuel G. Cembellini egindakoa nabarmentzen da.
"Scape room" pobretasunez jabetzeko
Ume eta gazteei eskeinitako sailean 'scape room' dalakoa prestatu dabe, misterioz betetako jokoa, gaztetxo eta gazteentzat (10-16 urte). Pobreen Munduko Egunari lotuta dago eta dei egiten jake gazteei aldaketaren protagonista izan daitezan eta pobretasunez jantzitako egoerei konpromiso handiagoz begiratu deieen. Lagungarriak: hemen.
Migratzaileen lekukotasunak "Gizatasunezko liburutegietan"
Atzo -urriak 30, eguena-, "Gizatasunezko liburutegiak" ekimenaren hirugarren ekitaldia ospatu zan Deustuko Unibertsitatean, Migrazinoetarako Bilboko eleizbarrutiko Mahaiak, Deustuko Unibertsitatearen laguntzagaz sustatuta. Hainbat herrialdetako pertsonen eta unibertsitateko gradu desbardinetan ikasten diharduen gazteen arteko solasaldiak ospatu ziran, "hartu-emonerako, entzuteko eta alkarrengandik ikasteko eremua ahalbidetuz".
Atzo, Bilbon, autorpenak eta urteurrena
Mariaren Leginoa mobimentuak 75 urte bete ditu Bilboko eleizbarrutian eta atzo ospatu eban urteurren hori Bilboko San Nikolas parrokian. Atzoko egunez, baita be, "Mufungaren Adiskideak" fundazinoak urteroko ekitaldia ospatu eban. Fundazinoak Kongoko Errepublika Demokratikoan garatzen diharduan egitasmoen barri emon eben Iñigo iriartek eta Jose Ignacio Iturmendik eta "Adiskide zintzoa" autorpena be banatu zan.
Gizakia Helbururen eguna bere 40. urteurrenean
Datorren domekaz, azaroak 2, eleizbarrutian gogoan izango dira mendekotasunen bat daben pertsonak, Proyecto Hombre Bizkaia-Fundación Gizakia dalakoaren alde egingo dan kanpainan. Ignacio Palacio zuzendariak aurkezpeneko gutunean azaldu dauanez, "aurtengo jardunaldia oso berezia da Proyecto Hombre Bizkaia erakundeak 40 urte bete ditualako. Lau hamarkada pertsonen alde konprometituta, entzute eraginkorra eta akonpainamendu sakona eskeiniz. Lau hamarkada zugaz bidelagun izanez, bizia sustatuz, etorkizuna eraikiz".