2027ko abuztuaren 3tik 8ra ospatuko da Gazteen Munduko Eguna Seulen (Hego Korea), Mundu osoko gazteak batuko dira bat egitea, otoitza, bizikidetza eta fedearen ospakizuna nahastatuko dituan ekitaldian.
Bilboko eleizbarrutiko gazte-jenteari dei egin jako esperientzia honetan parte hartu dagian, eleizbarrutiko talde lez bidaia eginez eta jardueretan parte hartuz, Espainiako Gotzainen Batzarrak (EGB) koordinatutako antolakuntzaren barruan.
Bide bi dagoz parte hartzeko: egonaldia Eleizbarrutietan (Egunak Eleizbarrutietan) eta hortik jardunaldietan parte hartu edo bakarrik Seuleko ekitaldietan parte hartu.
19 eta 35 urte bitarteko gazteentzat
Eleizbarrutiko parrokietako, pastoral barrutietako, mobimentuetako alkarteetako eta beste hainbat errealitatetako 19 eta 35 urte bitarteko gazteentzat edo esperientzia hau lehenengo aldiz bizi gura dabenentzat da deialdia.
Antolatzaileen esanetan, GMEan parte-hartzea, dalako herrialde batera bidaiatzea baino gehiago da, “alkarregaz bide egiteko, fedea sendotzeko, eleiz errealitate desbardinak ezagutzeko etamundu osoko Eleiza bizitzekon aukera da”.
Korear familietan hartuko dabez
Seulen, hainbat aukera dago ostatu hartzeko: ikastetxeak, pabiloiak edo familiak. Espainiako Gotzainen Batzarrak azken hau gomendatzen dau, aukera ederra dalako Koreako kultura, bizitza eta kristau alkarteen fedea gertutik ezagutzeko.
Egunak Eleizbarrutietan
Uztailaren 29tik abuztuaren 2ra izango dira eta, ondoren, Seuleko GMEko ekitaldi nagusietan parte hartuko dabe.
- Urteera: 2027ko uztailaren 27, 28 edo 29a
- Itzulera: 2027ko abuztuaren 8, 9 eo 10a
“EEetan dalakoaren bidez, erromesek gertutik ezagutuko dabe Koreako kristau alkarteen bizitza, hango familietan bizi izango dira eta kultur. pastoral eta bizikidetza lantzeko jardueretan parte hartuko dabe”, Bilboko gazte sailetik azaldu dabenez.
Gazteen Munduko Eguna bakarrik
Bakarrik Gazteen Munduko Eguneko ekitaldi nagusietan parte hartzeko aukera be badago.
Aurreikusitako egunak:
- Urteera: 2027ko abuztuaren 1, 2 edo 3a.
- Itzulera: 2027ko abuztuaren 8, 9 eo 10a
Gitxi gorabeherako datak dira eta hegaldien eskuragarritasunaren araberakoak.
Aukera bietan, antolakuntzatik kudeatutako helgaldietan edo norberak jadetsitakoetan bidaiatzeko aukera dago.
Gitxi gorabeherako aurrekontua
Egunak Eleizbarrutietan dalakoetako egonaldia eta GMEko ekitaldi nagusiak barne hartzen dituan aukeraren prezioa lagun bakotxeko 2.400 eta 2.800 euro bitartekoka izan daiteke. Prezio horrek barne hartzen ditu nazinoarteko hegaldiak, izen-emoteak, Koreako bertako joan-etorriak eta beste antolaketa-gastu batzuk. Aitatutako prezio horri Bilbotik Madrilerako bidaiaren kostua be gehitu behar jako eta guzti horren ingurukoak aurrerago zehztuko dira. Bakarrik GMEko jarduera nagusietan parte hartzeari dagokionez, oraindik ez dira prezioak zehaztu.
Antolatutako hegaldietan lekua gorde gura dabenek 300 euro aurreratu beharko dabez izena-emotean, Bilboko Eleizbarrutian sarrera eginez. Hegaldiak bere kontura kudeatu gura dituanak ez dau diru hori aurreratu beharrik, aukera hori beste bide eta egutegiaren arabera egingo dalako.
Behin betiko zenbateko eta baldintzak antolakuntzak baieztatzen dituanean jakinarazoko dira.
Aurretiko izen-emotea zelan egin
Bilboko Eleizbarrutian, urriaren 24a baino lehen bete behar da aurretiko izen-emoterako orria. Hegaldietan lekua hartu nahi izan ezkero be, dirua sartu eta ziurtagiria bialdu behar da dbahillo@bizkeliza.org helbide elektronikora, orrian jasotako jarraibideen arabera. Aurretiko izen-emotea osotutzat joko da datuak eta agiriak egiaztatu eta ordainketa egin ondoren. Lekuen behin betiko esleipena eskuragarritasun eta baieztapenaren arabera egingo da.
👉 GME Seul 2027 aurretiko izen-emotea – Bilboko Eleizbarrutia
Bidaian parte hartzearen edo baldintzen inguruan gehiago jakiteko mezua idatzi: dbahillo@bizkeliza.org.
