Gorpuzti Eguna, Maitasunaren eguna, egun berezia da Bizkaiko Caritaseko boluntarioentzat. Eta atzokoa, are eta bereziagoa izan zala esan daiteke, hamaika urtez erakundeko zuzendari izan dan Carlos Bargosek agur esan eutsalako “familia” honi eta besteari, “atzealdekoari”, urte honeetan “euskarri” izan dauanari. Aloña Zameza V. bikaritzako boluntario eta kontseilariaren eskutik opari bat jaso ondoren, bihotzez zuzendu jaken hirukoiztarrek Algortan daben eleizan batu ziranei. “Eta guzti hau, Jainkoari esker”, esan eban lehenengo eta behin Bargosek. Irailetik aurrera, Eleizbarrutiko Idazkaritza Nagusiaz eta Laikotzarako Idazkaritzaz arduratuko da.
Alkartea eta Eukaristia, homilian
On Joseba Segura gotzainak homiian adierazo ebanez, ezinbestekoa da alkartea eratu eta “lokarriak estutzea”. Eukaristiak fededunen bizitzarako dauan garrantzia be azpimarratu eban gotzainak, izan be, bere esanetan, “Eukaristia barik, ez dago Eleizarik”.
Gontzal Mendibil Arratiako musikagile eta abeslariak girotu eban bere musikaz ekitaldia, Caritaseko emakume boluntario asko eta asko batu ebana. Gotzainak berak, emakumearen presentzia horren garrantzia nabarmenduz, datorren urtetik aurrera, erakundea zuzenduko dauana “emakumea izango” dala iragarri eban. Elena Unzuetak hartuko dau Carlos Bargosen lekua Caritaseko zuzendaritzan.
