Barriak
Etiquetado como: Heriotza-oharra
Eleizbarrutiko asteko barriak
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
ETBko mezak Begoñatik
Joan dan domekaz ETB1ek Begoñako basilikatik emongo dituan hiru Eukaristietatik lehenengoa eskaini eban. Kate beretik ikusia hal izango dira biharko -azaroak 26- meza eta abenduaren 3koa be, ohiko orduan, 10:00etan.
"Emakumeen aurkako edozein menperatze, gehiegikeria eta tratu txar salatu egiten dogu"
Emakumeen aurkako Indarkeria deuseztatsako Nazinoarteko Eguna dala-eta, Bilboko Eleizbarrutiak bat egin dau Bilboko udalak antolartutako ekitaldi instituzionalagaz. Hainbat lagunek idazkiak irakurri dabez, besteak beste Elena Unzueta Caritas Bizkaia erakundeko zuzendariak Bizkaiko Eleizaren izenean. Arriaga antzokian ospatu dan ekitaldi sinboliko honetan, Juan Maria Aburto alkatea izan da buru eta Kontxi Claver Bardintasun, Bizikidetza, Lankidetza eta Immigrazinorako zinegotzia be bertan izan da. Emakumeen alkarteetako kideak, gizarte erakundeetakoak, dendetakoak eta Bilboko askotariko …
"Bizkaiko Hotsak" llega a Loiu y Urduliz mañana sábado
Aaron Ribas musikariak kontzertua eskainiko dau, bihar, Loiun, 12:30etan, «Bizkaiko hotsak» jaialdiaren barruan. Gainera, Urdulizeko Andra Mari eleizan be ospatuko da kontzertua 20:00etan, Lucie Zakovaren eskutik."Diego Amezua" Organoaren Adiskideen Bizkaio Alkarteak sustatzen dau “Bizkaiko hotsak” organo-jaialdia. Gehiago jakiteko: hemen
Domekaz, jostailu eta liburuen azoka solidarioa Gernikan
Domekaz, azaroak 26, "Ume solidarioak" jostailu eta liburuen azokaren ekitaldi barria ospatuko da Gernikan, merkatu-plazan 10:00etatik 14:00etara, Urdaibaiko Katekesiko taldeek eta misinoetarako taldeak antolatuta. Gehiago jakiteko: hemen
“Sinodoak argi itzi dau mundu osoko Eleizaren aniztasuna”
Barria eraikineko (Plaza Barria, 4) areto nagusian eskaini dau gaur berbaldia on-line Fhilomena (Filo) Shize Hirota Berrizko Mesedetako Misiolariak, Eleizbarrutiko Teologia eta Pastoraltza Institutuak antolatuta. Estrella Moreno ETPIko zuzendariak, ekitaldiari sarrera egiteaz batera, Filo Hirota Berrizko Mesedetako Misiolari eta Sinodo-seneko Eleizaren Sinodoaren prestaketarako Batzordeko kide eta sinodoko partaidearen curriculum zabala aurkeztu dau.
"Fair Saturday": musika solidarioz betetako asteburua
Atzo, Santa Zezilia musikagileen zaindariaren eguna ospatu genduan eta beroni lotuta, hainbat kontzetu. Asteburuan be ez da musikarik faltako, kasu honetan, urtero azaroaren azken zapatuz ospatzen dan Fair Saturday gizarte zirrara handia izaten dauan kultur ekitaldiaren haritik. Jarduera solidario hau, kontsumismoaren adierazle nagusia dan Black Friday dalakoaren biharamunean ospatzen da. Mundu osoko artista eta kultur erakundeek bat egiten dabe jaialdi honetan eskakizun bakarragaz: norbere jarduerarn bidez, norberak aukeratutako gizarte egitasmoari lagundu.
"Aizu!!!" barria, Emakumeen aurkako Indarkeria Deuseztatzearen aldeko Eguna dala-eta
Datorren zapatuz, azaroak 25, Emakumearen aurkako indarkeria Deuseztatzearen aldeko Nazinoarteko Eguna ospatuko da. Hori dala-eta, Bilboko Eleizbarrutiko Langile Pastoraltzak Aizu!! agerkariaren ale barria kaleratu dau, errealidade horren inguruko datuakaz eta sentiberatasuna bizteko, salatzeko eta abegi egiteko deiagaz.
Bibliaren irakurketa sinistedunerako tailerra hasiko da
Azaroaren 23an, eguenez, alkarte anitzen Bibliaren mezua eguneratu eta batera jarri gura daben pertsonei zuzendutako Bibliari buruzko tailerra hasiko da. Loiola Zentroak, Eleizbarrutiko Teologia eta Pastoraltza Institutuak (ETPI) eta Migrazinoetarako Pastoraltzak antolatutako eremu hezigarria da. Hilean behin, eguenez, ospatuko da Arrupe Etxean (Aita Lojendio, 2).
Filo Hirotaren berbaldia Sinodoaren esperientziaren eta honen erronkei buruz
Eleizbarrutiko Teologia eta Pastoraltza Institutuak (ETPI) kurtso honetarako berbaldi saila garatzen dihardu. Oraingoan, Philomena Shize Hirotak jardungo dau, bihar -eguena-, Gotzainen Sinodoaren XVI. Batzar Nagusian bizi izandako esperientziaren barri emonez. Saioa, on-line ospatuko da 10:30etan hasita eta Barria eraikineko aretoan (Plaza Barria, 4. 1. solairua) jarraitu ahal izango da. Filo Hirota Berrizko Mesedetako Misiolaria da (BMM) eta Mexiko, Nikaragua, Filipinak eta Erroman garatu dau bere ministerioa. Berau izan da Frantzisko Aita Santuak urriaren 4tik 29ra Vatikanoan ospatu …