Bilbotar Aste Santua Bilboko ohiturarik zaharrena da. 469 urteko historia dau, eta, joan dan martxoaren 30ean Bilboko Udalbatzak onartu eban lez, Euskal Auronomia Erkidegoko (EAE) kultur ondare immaterial izendatzea proposatu da.
Kofradien Ermandadeak egunotan garatutako egitarauari amaiera emoteko, Pazko-egunez, Jesus Cepeda sevillar irudigilearen Kristo Berbiztuaren irudi ikusgarria atara eben prozesinoan. Argi eta Berbizkundearen Prozesinoan atara aurretik, On Joseba Segura Bilboko gotzainak irudia bedeinkatu egin eban, irudigilea bera aurrean zala.
Egun honeen aurretik, prozesinoetako martxen kontzertua ospatu zan, Bilboko Udal Banda protagonista zala, Alde Zaharreko Kurutzea kaleko Joan Santuak eleizan, tenplua jentez lepo zala, eta 1947an sortutako Bilboko Nazaretarraren Kofradiaren 75 urteko historiako gertaera nagusiak eta bitxikeriak jasoten dituan “Sentimiento y Tradición” Alberto Lopez Echevarrietaren liburuaren aurkezpena.
galeria ikusi (28)
