Berbaldia Markinan Eleizbarrutiaren historiari buruz
Kurtso honetan, Bilboko Eleizbarrutiak bere 75. urteurrena ospatzen dihardu eta horren inguruan antolatutako jardueretako bat bihar -abenduak 12, eguena- izango da Markinako Mesedetako Ama eleizan, 18:00etan. Hain zuzen be, Gaspar Martinez Kultur Gai eta Ondasunetarako saileko arduradunak berbaldia eskainiko dau (euskeraz), Eleizbarrutiaren historia ardaztzat hartuta.
Martinezek beste hainbat ekitalditan be jardun izan dau Eleizbarrutiaren historiari buruz, esate baterako, orain dala aste batzuk Gernikan, eta beste zenbait lekutan be hitz egingo dau, aitatu dogunez, bihar, Markinan eta barikuz, abenduak 13, Mungian, Torrebillelan (Beko kalea, 3), 17:00etan.
Irudiz hornitutako berbaldian, azken 75 urteotako une gogoangarriak errepasatuko ditu.
