Barriak

Begoñako Andra Mari kofradiak aurtengo Ohorezko Erromesa aurkeztu dau jentaurrean: Iñigo Urkullu lehendakaria. Kofradiak, bere ibilbide eta arduragaitik eta Begoñako Andra Mariaganako jaieragaitik nabarmendu dan norbaiti autormena egiteko izendatzen dau Ohorezko Erromes dalako pertsona hori. 

Atzo -eguaztena-, baterako ekitaldia ospatu eben Zornotzako parrokiek eta Karmengo Ama ikastetxeak, "Giza eskubideen jubileua" goiburuaren harira. Une bitan egin zan: goizez, ikastetxeko ikasle eta irakasleek eta Andra Mari parrokiako hainbat legunek ozen berba egin eben Gazarako bakea eta justizia eskatuz. Arratsaldez, "Bizkaia isilik" bilkura egin zan.

Datorren urriaren 1ean, 25 urte beteko dira Santa Maria Josefa Sancho de Guerra, jaiotzaz arabarra baina bizitzaz eta bihotzez bizkaitarra, altarara goratu ebenetik. Esker oneko Eukaristia bi ospatuko dira Bilboko eleizbarrutian: Lehenengoa, Miribillako Santa Maria Josefa parrokian, datorren domekaz, irailak 28, eguerdiko 12:00etan, Alex Andreu parrokoa buru dala, eta bigarrena, urriaren 1ean, 19:00etan, Santiago katedralean, Kerman Lopez bikario nagusia buru dala. Gasteizko eleizbarrutian be ospatuko da Eukaristia irailaren 27an, Juan Carlos Elizalde gotzaina buru dala, San Pedro Apostolua …

Datorren barikuz, irailak 26, 2025-26 kurtsoari hasiera ofiziala emongo deutse Bilboko eleizbarrutik seminarioan, arratsaldeko seietatik aurrera. Seminarioan bertan, argibideak emongo dabez lehenengo eta 19:00etan Eukaristia ospatuko da, On Joseba Segura eleizbarrutiko gotzaina buru dala. 

Datorren zapatuz, irailak 27, Goazen! kurtso hasierako ekitaldia ospatuko da Elorrion eta egun berean, arratsaldez, EKO-ACG mobimentuko gazteek kurtso hasierako ekitaldia ospatuko dabe. Udako kanpamentutik alkar ikusi barik dagozan gazteak kurtso barria programatzeko batuko dira. Datozan hilabeteetarako helburuak, biltzat eta konbibentziak zehazteaz gainera, kontu garrantzitsu bi izango dabez mahai gainean: 

Datorren barikuz, irailak 26, Jokin Perea Gonzalez teologo eta eleizbarrutiko abadeak "El misterio cristiano de la luna" bere liburua aurkeztuko dau Barakaldoko Miranda egoitzan. Ekitaldia eguerdiko 12:00etan izango da Miranda Fundazinoaren zaintza iraunkorrerako guneko aretoan(Miranda etorb., 4. Barakaldo. Bagatza metro geltokia).  

Kurtso barriari hasiera emon deutsagun honetan, "Bizkaia isilik" ekimenak ohiko jarduera berreskuratuko dau eta hilaren azken eguaztenez bilkurak egingo dabez etorkin eta errefuxiatuek jasaten dabezan bidegabekeriak salatzeko. Bihar, ohikoa danez, 19:30etan batuko dira honako lekuotan: Bilbon, Arriaga plazan; Portugaleten, Gregorio Uzkiano kalean; Barakaldon, Bide Onera plazan; Galdakaon, Iturriondo plazan; Durangon, Andra Mari eleizpan; Balmasedan, San Severino plazan; Getxon, Telletxe plazan (metroaren ondoan) eta Zornotzan, Herriko plazan.

Mesedetako Ama presoen zaindariaren eguna dala-eta, eleizbarrutiko Kartzela Pastoraltzak eta Bidesari alkarteak ekitaldi bi antolatu dabez fedea ospatzeko, kartzelaren inguruko gogoeta eragiteko eta boluntarioen konpromisoa sendotzeko. Lehenengo ekitaldia, bihar izango da Basauriko kartzelan, eta presoek jolas- eta alkartze-eremuaz gozatzeko aukera izango dabe.

Gaur gauean Zinemaldiko sail ofizialean estreinatuko dan "Los domingos" pelikulak eleizbarrutiko hainbat abaderen aholkularitza izan eban ekoizpenean, hain zuzen be gaur egun desakralizatuta dagoan Gernikako komentuaren barrualdean grabatutako eszenetan. Juan Reyero Gernikako parrokoa izan zan aholkularietako bat eta bokazinoari eta monasterioko bizitzari buruzko zehaztasunak emon eutsezan. Pelikula hau Alauda Ruiz de Azuaren bigarrena da (aurretik "Cinco lobitos" grabatu eban) eta urriaren 24tik aurrera zinemetan ikusi ahal izango da. 

María Jose Arana teologoak "La espiritualidad de María Magdalena, vivida por las mujeres" liburua aurkeztuko dau Eleizbarrutiko Teologia eta Pastoraltza Institutuko kurtsoko jarduerei hasiera emonez. Ekitaldia bihar -irailak 23, martitzena- izango da Barriako areto nagusian (Plaza Barria, 4) eta, besteak beste, Estrela Moreno institutuko zuzendariak jardungo dau.