Gaur ez da Bilkura Isilik egongo bero handia dala-ta.
Gaur arratsaldeko bilkura isiletan, gizon-emakume guztien eskubideak eta duintasuna errespetatzea eskatzen da hilero eta, batez be, askotan, bizimodu hobearen bila migratzera behartuta dagozanena.
Bide horretan, egundoko zailtasunak jasaten dabez, esate baterako, jazarpena, iruzurra edo deportazinoa, makina bat hiltzen da itxasoan…, eta bizirik irauten dabenek bakardadea baino ez dabe aurkitzen gure kaleetan eta ez daukie ez etxebizitzarik, ez lanik, ez adiskiderik…
Migrazinoetarako Nazinoarteko Erakundearen arabera, urte honetan 1.500 lagun inguru hil edo desagertu da Mediterraneoan edo Mendebaldeko Atlantikoan.
‘Bizkaia isilik’ bilkuren antolatzaileek dei egiten deutsie bizkaitarrei harreraren dinamikan konprometitu daitezan, gizarte hobea eraikitzen laguntzeko urratsa egon dagien eta “erakundeek daukien harrerarako sistema hau, gizarte bitarteko eta estaldurarik eza” salatu dagien.
