Vicente Olmos tronpeta-jotzailea eta Ainhoa Barredo organizta batuko dira bihar -eguena-, San Bizente eleizan ospatuko dan kontzertuan. Barrztatutako organoaren soinu-aukerak eta tronpetaren tinbre distirakorra batuko dira, beren-beregi egun horretarako aukeratutako piezakaz.
Koral Alkartearen kontzertua
Bigarren hitzordua, uztailaren 9an, eguenez, izango da 19:30etan. Bilboko Koral Alkartearen emonaldia, Carmen Martinezen zuzendaritzapean. Alberto Saez Puente koraleko organistak joko dau organoa. Musika-tresna honen doinuak lagundu eta aberastu egingo ditu koraleko ahotsak.
Acitores Organería y Arte etxea arduratu da organoaren zaharbarritzeaz eta bere musika- eta ondare-ezaugarriak berreskuratu dira, arte eta liturgia ikuspuntutik osagairik baliotsuenetakoa danaren iraupena ziurtatuz eta parrokiari musika-trestaren erabilera ahalbidetuz.
