Bizkaian, Barakaldon ospatuko da gizarte Jubileuaren lehenengo ekitaldia

2025ean Eleizak Jubileu Urtea ospatzen dihardu Frantzisko Aita Santuak deituta. Bilboko eleizbarrutian, joan dan abenduaren 29an emon jakon hasiera Jubileuari, Bilboko Alde Zaharra zeharkatu eban prozesinoagaz eta santiako katedralean ospatu zan Eukaristiagaz. Hainbat jarduera dago antolatuta urte berezi honetarako, esate baterako datorren astean, martxoaren 24tik 28ra, On Joseba Segura gotzaina buru dala egingo dan eleizbarrutiko erromesaldia Erromara. Gainera, datorren zapatuz, marxoak 22, gizarte Jubileuari dagokion lehenengo ekitaldia egingo da: Caritas Bizkaia erakundeak kudeatutako Barakaldoko gizarte jantokiaren aurkezpena.

Zapatuz, goizeko 10:30etan emongo jako hasiera jarduerari Barakaldoko Teresa Donea parrokian, bertaratutakoei harrera eginez. Ondoren, San Bizente parrokiako lokaletan dagoan eta laster 15 urte beteko dituan gizarte jantokira joango dira. San Bizente Martiria eleizan egingo dan otoitzaldiagaz emongo deutse amaiera jardunaldiari.

Datozan hilabeteetan, lurraldeko hainbat lekutan agertuko da Jubileuaren gizarte alderdia, gura dauana “erromes joan daiten eta konpromiso eta itxaropenezko keinua egin daian”. Eleizbarrutiak lagungarriak argitaratu ditu Jubileuaren gizarte alderdia bikaritzaz bikaritza aurkezteko: hemen.

Zapatuz Barakaldon burutuko dan jardueraren ostean, hurrengoak honako egun eta lekuetan izango daira:

Apirilak 5, IV. bikaritza: Durangoko Caritasen Etxepel egitaraua (bizilekurik ez daukien pertsonak)

Maiatzak 31, VI. bikaritza: Argia fundazinoa Getxon.

Ekainak 14, V. bikaritza: Gernikako Kaltzada fundazino-egoitza.

Urriak 18, II bikaritza: Gordexolako Gizakia Fundazinoa.

Azaroak 15, III-VII bikaritzak: Pobreen Munduko Eguna, Bilbon.