2019an “lasterka egin DOMUNDaren alde” dalakoaren lehenengo ekitaldia ospatu zanetik, hainbat ikastetxe eta Pastoral Barrutik misino-ibilaldiak ospatzen ditu urtero kanpainan. Ikastetxeetan, kanpainarako goiburua landu ondoren, lasterketa egiten dabe ikastegian bertan, ikasle eta irakasleen partaidetzagaz.
Torre Urizar
Torre Urizar PBak datorren domekaz, urriak 20, ospatuko dau ibilaldiaren laugarren ekitaldia. PBa osotzen daben parrokiak eta ikastetxea lotuko dabez, bakotxean geldialdia eta jarduera -abestia, otoitza, mezua…- eginez. Katekesikoek, eskaut taldekoek, Misinoetarako taldekoek…, esku-hartzen dihardue prestaketan eta aurton urriaren 18an, barikuz, egingo dan afari solidarioa berreskuratu dabe.
Torre Urizar Pastoral Barrutiko (PB) umeen katekesirako taldeak dei egin dau Domund eguneko ekitaldietan gogotsu parte hartzeko, besteak beste, euro biren truke dortsala eskuratu eta ibilaldian parte hartuz. Hiru kilometroko ibilbidea egingo dabe, PBko parrokiak lotuz: Miribillako Santa Josefa eta ‘Quinta parrokia’ deitutakoan hasiko da 11:00etan eta San Adrian parrokian amaitu 12:45 inguruan eta hemen famiila Eukaristia ospatuko da 13:00ean.
Bidean, ‘Amor Misericordioso’ ikastetxea zeharkatu eta geldialdia egingo dabe auzoko parrokietan. Ibilaldian parte hartu gura dauanak aste honetan emon leike izena eta dortsala hartu sakristian, parrokiako bulegoan eta katekesian. Dortsal bakarrak euro bi balio ditu eta 3 dortsal hartu ezkero (familia), 5 euro ordainduko dira. Aurtengo ibilaldia leku bitatik abiatuko da 11:00etan, hain zuzen be Quinta parroquia deitutakotik eta Miribillako Santa Maria Josefa parrokiatik. ‘Amor Misericordioso’ ikastetxean zeinua egingo dabe eta San Luis Beltran parrokiatik igaro ostean, San Adrian parrokiaraino joango dira.
Nahikoa da urteerara joatea ibilaldian parte hartzeko, dortsalak izango dabez-eta banatzeko.
Oiz-Anboto PBan be egin dabez ibilaldi txikiak katekesiko umeakaz.
DOMUND 2024
Frantzisko aita santuak ezkon-otorduaren parabolan oinarritutako goiburua aukeratu dau Misinoen Munduko Egunerako (DOMUND): “Zoaze eta gonbidatu guztiak otordura” (Mt 22, 14).
Misinoetarako Ordezkaritzan askotariko lagungarriak dagoz eskuragarri gura dabenentzat: kartelak, triptikoak, otoitzak…: hemen. Lagungarri gehiago, OMPren web orrialdean, www.omp.es eta misinoen orrialdean, www.misioak.org
